અદાણી ગ્રુપની કંપનીઓના શેરની ખરાબ સ્થિતિ, 4 દિવસમાં 1.70 લાખ કરોડ હોમાઈ ગયા…

અદાણી પાવરમાં લોઅર સર્કિટ લગાવવામાં આવી
શુક્રવારે અદાણી વિલ્મરનો શેર સાત ટકાથી વધુ ઘટીને રૂ. 512.65 થયો હતો. આ સાથે ચાર દિવસમાં કંપનીના શેરમાં રૂ. 18.53નો ઘટાડો થયો હતો. આ દરમિયાન ચાર દિવસના ઘટાડા સાથે BSE સેન્સેક્સ 1,630 પોઈન્ટ અથવા 2.65 ટકા ઘટ્યો હતો. શુક્રવારે અદાણી પવારનો શેર પાંચ ટકાના ઘટાડા સાથે રૂ. 262.20 પર બંધ થયો હતો. આ સ્ટોક 19 ડિસેમ્બરથી 23 ડિસેમ્બર વચ્ચેના ઘટાડામાં 14.23 ટકા ઘટ્યો હતો.

અદાણી ટ્રાન્સમિશનમાં મોટો ઘટાડો
અદાણી ટ્રાન્સમિશનનો શેર BSE પર 9.29 ટકાના ઘટાડા સાથે રૂ. 2,284 પર બંધ થયો હતો. શુક્રવાર સુધીના ચાર સત્રોમાં સ્ટોક 13 ટકાથી વધુ તૂટ્યો છે. અદાણી એન્ટરપ્રાઇઝ 5.65 ટકા ઘટીને રૂ. 3,650 પર બંધ રહ્યો હતો. છેલ્લા ચાર સત્રમાં સ્ટોકમાં 8.51 ટકાનો ઘટાડો થયો છે. છેલ્લા ચાર સત્રોમાં અદાણી ગ્રીન એનર્જી અને અદાણી પોર્ટ્સ અને સ્પેશિયલ ઈકોનોમિક ઝોનમાં લગભગ 8-9 ટકાનો ઘટાડો થયો છે. છેલ્લા ચાર સત્રમાં અદાણી ટોટલ ગેસના શેરમાં પણ 8 ટકાથી વધુનો ઘટાડો થયો છે.

કેટલું નુકશાન થયું?
7 અદાણી ગ્રૂપની કંપનીઓના શેરનું કમ્બાઈન્ડ માર્કેટ કેપ 17.04 લાખ કરોડ રૂપિયા રહ્યું છે. જે 19 ડિસેમ્બરના 18.81 લાખ કરોડ રૂપિયાથી 9.41 ટકા ઓછું હતું. જેમાંથી અદાણી એન્ટરપ્રાઈઝને માર્કેટ કેપમાં લગભગ 40 હજાર કરોડ રૂપિયાનું નુકસાન થયું છે. ત્યારપછી નુકસાનની વાત કરીએ તો આ અંગે અદાણી ટ્રાન્સમિશન, અદાણી ટોટલ ગેસ, અદાણી ગ્રીન એનર્જીના શેર રહ્યા છે.