બોન્ડ માર્કેટમાંથી 150 અબજ એકત્ર કરવાની તૈયારીમાં અદાણી ગ્રુપ, જાણો ક્યાં વાપરશે આ રૂપિયા

અબજોપતિ ગૌતમ અદાણીની આગેવાની હેઠળના ગ્રુપનું ઊંચું દેવું સ્તર યુએસ શોર્ટ-સેલર હિંડનબર્ગ દ્વારા 24 જાન્યુઆરીના રોજ પ્રકાશિત અહેવાલમાં ટાંકવામાં આવેલી ચિંતાઓમાંની એક હતી. આ રિપોર્ટને કારણે અદાણી ગ્રુપની કંપનીઓની માર્કેટ મૂડીમાં લગભગ 100 બિલિયન ડોલરનું નુકસાન થયું છે.

રોકાણકારોનો વિશ્વાસ જીતવાનો પ્રયાસ
ફંડ એકત્ર કરવાની યોજના બે મહિનામાં ઝડપી બનશે અને એકત્ર કરાયેલી રકમ પ્રારંભિક કદ કરતાં બમણી હોઈ શકે છે. એમ અહેવાલમાં જણાવાયું છે. આ યોજનાઓ સાથે, અદાણી ગ્રુપનો ઉદ્દેશ્ય રોકાણકારોનો વિશ્વાસ જીતવાનો છે. અદાણી એન્ટરપ્રાઇઝે આ મહિનાની શરૂઆતમાં ભારતીય બોન્ડના વેચાણ દ્વારા રૂ. 12.5 અબજ એકત્ર કર્યા હતા.

બ્લૂમબર્ગે ગયા અઠવાડિયે એક અહેવાલમાં જણાવ્યું હતું કે અદાણી ગ્રુપ બાર્કલેઝ પીએલસી, ડોઇશ બેંક એજી અને સ્ટાન્ડર્ડ ચાર્ટર્ડ પીએલસી સાથે 600 મિલિયન ડોલરથી 750 મિલિયન ડોલરની વચ્ચે ઉધાર લેવા માટે પણ વાતચીત કરી રહ્યું છે. અદાણી ન્યૂ ઇન્ડસ્ટ્રીઝ લિમિટેડે સોલર મોડ્યુલ પ્રોજેક્ટ માટે બાર્કલેઝ અને ડોઇશ બેંક પાસેથી ટ્રેડ ફાઇનાન્સ સુવિધા દ્વારા રૂ. 3,231 કરોડ એકત્ર કર્યા છે. ભૂતકાળમાં અદાણી ગ્રુપની કંપનીઓના શેરમાં જોરદાર ઉછાળો જોવા મળ્યો હતો.

અદાણીએ કર્યા પ્રહાર
થોડા દિવસો પહેલા અદાણી ગ્રુપના ચેરમેન ગૌતમ અદાણીએ અમેરિકન શોર્ટ સેલિંગ ફર્મ હિંડનબર્ગ પર જોરદાર પ્રહારો કર્યા હતા. તેમણે કહ્યું કે અમને નુકસાન પહોંચાડવાના હેતુથી હિંડનબર્ગે તેમના રિપોર્ટમાં અમારા પર ખોટા અને પાયાવિહોણા આરોપો લગાવ્યા છે. તેમણે કહ્યું કે હિંડનબર્ગ રિપોર્ટ ખોટી માહિતી અને પાયાવિહોણા આરોપોનું મિશ્રણ છે. અહેવાલ ઇરાદાપૂર્વક અને દૂષિત ઉદ્દેશ્યથી પ્રેરિત હતો, જેનો હેતુ અમારી પ્રતિષ્ઠાને નુકસાન પહોંચાડવાનો હતો.