RCBની જીત પર ધોનીએ હાથ ન મીલાવ્યા તો કોહલી પહોંચી ગયો ડ્રેસિંગ રૂમમાં, બંને વચ્ચે શું વાત થઈ?

IPL MS Dhoni-Virat Kohli: IPL 2024ની સીઝનમાં ચેન્નાઈ સુપર કિંગ્સ (CSK) રોયલ ચેલેન્જર્સ બેંગ્લોર (RCB) સામે હારી ગઈ. ત્યારપછી CSKના પૂર્વ કેપ્ટન મહેન્દ્ર સિંહ ધોની હાથ મિલાવવા મેદાનમાં આવ્યા પરંતુ RCBના ખેલાડીઓને જશ્ન મનાવતા જોઈને તે કોઈની સાથે હાથ મિલાવ્યા વગર ડ્રેસિંગ રૂમ તરફ જતો રહ્યો. આવી સ્થિતિમાં, જ્યારે વિરાટ કોહલીએ ધોનીને મેદાનમાં જોયો ન હતો, ત્યારે તે તેને મળવા માટે સીધો ડ્રેસિંગ રૂમમાં પહોંચી ગયો હતો. હવે બંને ખેલાડીઓ વચ્ચેની વાતચીતનો ખુલાસો થયો છે.

ડ્રેસિંગ રૂમમાં ધોનીએ કોહલીને શું કહ્યું?

વાસ્તવમાં, મહેન્દ્ર સિંહ ધોનીની CSK ટીમ 27 રનથી હારી જતાં જ તેની ટીમ IPL 2024 સીઝનની પ્લેઓફની રેસમાંથી બહાર થઈ ગઈ હતી. જ્યારે વિરાટ કોહલીની ટીમ RCBએ સતત છ મેચ જીતીને પ્લેઓફમાં જગ્યા બનાવી છે. જ્યારે ચેન્નાઈની ટીમ RCB સામે હારી ગઈ ત્યારે ધોનીએ કોઈની સાથે હાથ ન મિલાવતા એ વિવાદનો વિષય બની ગયો હતો. પરંતુ તમામ વીડિયોમાં સામે આવ્યું છે કે ધોની હાથ મિલાવવા આવ્યો હતો પરંતુ આરસીબીના ખેલાડીઓ દ્વારા વધુ પડતી ઉજવણીના કારણે તે ડ્રેસિંગ રૂમમાં ગયો હતો. આના પર જ્યારે કોહલી તેને એકલો મળવા આવ્યો ત્યારે મીડિયા રિપોર્ટ્સ અનુસાર કોહલી અને ધોનીએ એકબીજા સાથે હાથ મિલાવ્યા હતા.