Asia cup 2023: રોહિત શર્માનો ધમાકેદાર રેકોર્ડ, કોહલી પછી સૌથી ઝડપી 10 હજાર રન કર્યા

Asia cup 2023, India vs Sri Lanka Match: ભારતીય કેપ્ટન રોહિત શર્મા (Rohit Sharma) હાલમાં એશિયા કપ 2023 (Asia cup 2023) રમી રહ્યો છે, જ્યાં તેણે એક ઐતિહાસિક રેકોર્ડ બનાવ્યો છે. રોહિતે વનડેમાં પોતાના 10 હજાર રન પૂરા કરી લીધા છે. હવે તે વન ડે ઈન્ટરનેશનલમાં 10મો હજારી પણ બની ગયો છે. રોહિત આ સ્થાન હાંસલ કરનાર છઠ્ઠો ભારતીય બની ગયો છે. આ ઉપરાંત, તે વિરાટ કોહલી પછી સૌથી ઝડપી 10,000 ODI રન બનાવનાર બીજો ભારતીય બની ગયો છે. આ પહેલા સચિન તેંડુલકર, વિરાટ કોહલી, સૌરવ ગાંગુલી, રાહુલ દ્રવિડ અને મહેન્દ્ર સિંહ ધોની પણ વનડેમાં 10 હજારથી વધુ રન બનાવી ચુક્યા છે. રોહિત હવે વનડેમાં સૌથી વધુ રનના મામલે ધોનીને પાછળ છોડવાની નજીક છે. ધોનીએ પોતાની ODI કરિયરમાં 10599 રન બનાવ્યા છે.

ODIમાં સૌથી ઝડપી 10 હજાર રન બનાવનાર ખેલાડી

વિરાટ કોહલી – 205 ઇનિંગ્સ
રોહિત શર્મા – 241 ઇનિંગ્સ
સચિન તેંડુલકર – 259 ઇનિંગ્સ
સૌરવ ગાંગુલી – 263 ઇનિંગ્સ
રિકી પોન્ટિંગ – 266 ઇનિંગ્સ

શ્રીલંકા સામે આ સિદ્ધિ મેળવી

તમને જણાવી દઈએ કે રોહિતે મંગળવારે (12 સપ્ટેમ્બર) શ્રીલંકા સામેની મેચમાં આ સિદ્ધિ મેળવી છે. ભારતીય ટીમની આ મેચ એશિયા કપ 2023માં સુપર-4 હેઠળ રમાઈ હતી. રોહિતની વનડેમાં આ 241મી ઇનિંગ હતી. રોહિતે તેની ODI કરિયરમાં અત્યાર સુધી કુલ 30 સદી ફટકારી છે. શ્રીલંકા સામેની મેચ પહેલા રોહિતે ODI ક્રિકેટની 240 ઇનિંગ્સમાં 48.91ની એવરેજથી 9978 રન બનાવ્યા હતા. તે 10 હજારી બનવાથી માત્ર 22 રન દૂર હતો. તેણે શ્રીલંકા સામે 22મો રન બનાવતાની સાથે જ આ સિદ્ધિ મેળવી હતી.

પાકિસ્તાન સામે ફિફ્ટી ફટકારી

એશિયા કપ 2023ના સુપર-4માં ભારતીય ટીમે તેની પ્રથમ મેચ પાકિસ્તાન સામે રમી હતી, જેમાં તેણે 228 રને જીત મેળવી હતી. રોહિત શર્માએ આ મેચમાં 56 રન બનાવ્યા હતા. જ્યારે વિરાટ કોહલીએ સૌથી વધુ 122 રનની અણનમ ઇનિંગ રમી હતી. આ ઈનિંગની મદદથી કોહલીએ વન-ડે ઈન્ટરનેશનલમાં પોતાના 13 હજાર રન પૂરા કર્યા હતા. કેએલ રાહુલે પણ 111 રનની અણનમ ઇનિંગ રમી હતી.

વડોદરામાં ફ્લેટ એક કરતા વધુ ગ્રાહકોને વેચીને US ભાગતો ઠગ બિલ્ડર મુંબઈ એરપોર્ટ પરથી ઝડપાયો

ODIમાં સૌથી વધુ રન બનાવનાર ભારતીય

ખેલાડી    રન   ઇનિંગ   સદી

સચિન તેંડુલકર   18,426    452     49
વિરાટ કોહલી    13,024    267      47
સૌરવ ગાંગુલી    11,221    297      22
રાહુલ દ્રવિડ       10,768      314      12
મહેન્દ્રસિંહ ધોની 10,599  294     9
રોહિત શર્મા    10,000*      241    30

શ્રીલંકા vs ભારત મેચમાં બંનેની રમત-11

ભારતીય ટીમઃ

રોહિત શર્મા (કેપ્ટન), શુભમન ગિલ, વિરાટ કોહલી, કેએલ રાહુલ (વિકેટકીપર), ઈશાન કિશન, હાર્દિક પંડ્યા, રવિન્દ્ર જાડેજા, અક્ષર પટેલ, કુલદીપ યાદવ, જસપ્રિત બુમરાહ, મોહમ્મદ સિરાજ.

શ્રીલંકાની ટીમઃ

પથુમ નિસાંકા, દિમુથ કરુણારત્ને, કુસલ મેન્ડિસ (વિકેટમાં), સાદિરા સમરવિક્રમા, ચરિથ અસલંકા, ધનંજય ડી સિલ્વા, દાસુન શનાકા (કેપ્ટન), દુનિથ વેલેસ, મહિષ તિક્ષાના, કસુન રાજીથા, મથિશા પથિરાના.