વિધવા બહેનની દીકરીના લગ્નમાં ભાઈએ કર્યો નોટોનો ઢગલો, લોકો ગણતા-ગણતા થાકી ગયા, જુઓ VIDEO

Revadi Wedding: હરિયાણાના રેવાડીમાં, એક વ્યક્તિએ પોતાની ભત્રીજીના લગ્નમાં હિંદુ રીતિ-રિવાજ મુજબ ભરવામાં આવતા મામેરામાં એવું ઉદાહરણ રજૂ કર્યું. જેની દેશભરમાં ચર્ચા થઈ રહી છે. ભાઈએ તેની વિધવા બહેનના ઘરે નોટોનો ઢગલો કરી નાખ્યો. તેણે એક કરોડ, 1 લાખ, 11 હજાર 101 રૂપિયા રોકડા આપ્યા. એટલું જ નહીં, તેણે કરોડો રૂપિયાની દાગીના પણ આપી. આ મામેરામાં આપવામાં આવેલી રોકડનો વીડિયો વાયરલ થઈ રહ્યો છે.

ભાણીના લગ્નમાં મામાએ ભર્યું કરોડોનું મામેરું

હરિયાણાના રેવાડીમાં અસલવાસ ગામના રહેવાસી સતબીરની બહેનના લગ્ન સિંદરપુરમાં થયા હતા. તેની એકમાત્ર બહેનના પતિનું ઘણા સમય પહેલા અવસાન થયું હતું. તેની એક જ ભત્રીજી છે, જેના લગ્ન પહેલા સતબીર તેના ગામના લોકો સાથે મામેરાની વિધિ કરવા તેની બહેનના ઘરે પહોંચ્યો હતો. સાંજે વિધિ શરૂ થઈ ત્યારે ત્યાં હાજર સૌ કોઈ સ્તબ્ધ થઈ ગયા.

1 કરોડ રોકડા મૂક્યા

સતબીરે તેની બહેનના ઘરે 500 રૂપિયાની નોટોના બંડલનો ઢગલો કર્યો. 1 કરોડ, 1 લાખ, 11 હજાર 101 રૂપિયાની સમગ્ર રકમ રોકડમાં આપવામાં આવી હતી. આ સિવાય સતબીરે તેની બહેન અને ભત્રીજીને કરોડો રૂપિયાના ઘરેણાં અને અન્ય વસ્તુઓ પણ આપી હતી. તેનો વીડિયો સોશિયલ મીડિયા પર વાયરલ થઈ રહ્યો છે.

સતબીરનો પોતાનો ક્રેનનો વ્યવસાય છે અને તે ગામમાં પરિવાર સાથે રહે છે. સારી એવી જમીનનો માલિક સતબીર શરૂઆતથી જ તેની બહેનને મદદ કરતો આવ્યો છે. આવી સ્થિતિમાં જ્યારે તેની બહેનની દીકરીના લગ્ન આવ્યા ત્યારે તેણે મામેરામાં એવો દાખલો બેસાડ્યો કે હવે આખા દેશમાં તેની ચર્ચા થઈ રહી છે. રેવાડીના દિલ્હી-જયપુર હાઈવેને અડીને આવેલા અસલવાસ ગામમાં રહેતા સતબીરની બહેનના લગ્ન સિંદરપુરમાં થયા હતા. હાલ તે તેના પરિવાર સાથે પડૈયાવાસ પાસે રહે છે.