MS Dhoni IPL 2023: બેંકમાંથી નોટ બદલી શકો પરંતુ ધોનીને નહી, ગજબ સ્ટમ્પિંગ પર સેહવાગનું અજબ ટ્વીટ

અમદાવાદ : આઈપીએલ 2023ની ફાઈનલ મેચમાં એમએસ ધોનીએ જબરદસ્ત રીતે શુભમન ગિલને વિકેટ પાછળ સ્ટમ્પ કર્યો હતો.આ સ્ટમ્પિંગ દરમિયાન ધોનીનો રિએક્શન ટાઈમ 0.1 સેકન્ડથી ઓછો હતો. ધોનીના આ સ્ટમ્પિંગ પર ટીમ ઈન્ડિયાના પૂર્વ ઓપનર સેહવાગે એક ખાસ ટ્વિટ કર્યું છે. ચેન્નાઈ સુપર કિંગ્સનો કેપ્ટન એમએસ ધોની IPLની ફાઈનલ મેચમાં ગુજરાત ટાઇટન્સ સામે જોવા મળ્યો હતો. ધોનીએ ફરી એક વાર કહ્યું કે IPLમાં હજુ પણ તેમનાથી શ્રેષ્ઠ કોઈ નથી. ધોનીએ જે રીતે શુભમન ગિલને રવિન્દ્ર જાડેજાની બોલ પર સ્ટમ્પ કર્યા તે જોવા જેવી હતી. એમએસ ધોની વીજળીની ઝડપે સ્ટમ્પિંગ કરી રહ્યો છે. આ સ્ટમ્પિંગ દરમિયાન ધોનીનો રિએક્શન ટાઈમ 0.1 સેકન્ડથી ઓછો હતો. રવિન્દ્ર જાડેજાનો તે બોલ ટર્ન લઈ રહ્યો હતો, આવી સ્થિતિમાં શુભમન ગીલે આગળ વધીને ડિફેન્સિવ શોટ રમવાનો પ્રયાસ કર્યો હતો. જોકે આ પ્રયાસમાં ગિલ સંપૂર્ણ રીતે પીટાઈ ગયો હતો અને ધોનીએ એક જ ક્ષણમાં પેવેલિયન ભેગો કર્યો હતો. રિપ્લેમાં જોઇ શકાય છે કે ગિલ સમયસર તેના પગને ક્રિઝ પર લાવી શક્યો ન હતો. એમએસ ધોનીની ક્ષણોમાં પ્રતિક્રિયા આપી હતી.

એમએસ ધોનીના આ સ્ટમ્પિંગ પર, ટીમ ઈન્ડિયાના ભૂતપૂર્વ ઓપનર સેહવાગે ટ્વિટ કર્યું, ‘શાબાશ! તમે બેંકમાંથી નોટો બદલી શકો છો પણ વિકેટ પાછળ MS ધોની નહીં બદલી શકો! બદલી શકાતો નથી. એમએસ ધોની હંમેશની જેમ શાર્પ.’વાહ! કોઈ વ્યક્તિ બેંકમાંથી નોટ બદલી શકે છે પણ વિકેટ પાછળ એમએસ ધોની બદલી શકતો નથી! ટીમ ઈન્ડિયાના સફળ કેપ્ટનોમાંના એક એમએસ ધોનીએ અત્યાર સુધીમાં વિકેટ પાછળ 180 વિકેટ ઝડપી છે. શાનદાર કારકિર્દી બનાવી છે. જેમાં 42 સ્ટમ્પિંગ સિવાય 138 કેચ સામેલ છે. ધોની IPLનો સૌથી સફળ વિકેટકીપર છે.

આ મામલે દિનેશ કાર્તિક 169 શિકાર સાથે બીજા ક્રમે છે. ગુજરાત ટાઇટન્સે સાઈ સુદર્શને રમેલી તોફાની ઇનિંગ્સમાં ચેન્નાઈ સુપર કિંગ્સને જીતવા માટે 215 રનનો ટાર્ગેટ આપ્યો હતો. ગુજરાત ટાઇટન્સ માટે સાઈ સુદર્શને 47 બોલમાં 96 રનની ઈનિંગ રમી જેમાં આઠ ચોગ્ગા અને છ છગ્ગાનો સમાવેશ થાય છે. તે જ સમયે, વિકેટ કીપર બેટ્સમેન રિદ્ધિમાન સાહાએ 39 બોલમાં 54 રન બનાવ્યા હતા.સાહાએ પોતાની ઇનિંગમાં પાંચ ચોગ્ગા અને એક છગ્ગો ફટકાર્યો હતો. ગુજરાત ટાઇટન્સ માટે શુભમન ગિલ (39) અને હાર્દિક પંડ્યા (21 અણનમ)એ પણ ઉપયોગી ઇનિંગ્સ રમી હતી. CSK તરફથી ફાસ્ટ બોલર મતિષા પથિરાનાએ સૌથી વધુ બે વિકેટ લીધી હતી. IPL ફાઈનલમાં પ્રથમ વખત કોઈ ટીમે આટલો મોટો સ્કોર નોંધાવ્યો છે.