Video: સિદ્ધાર્થ સાથે કોઝી થઈ હતી મોડલ, વીડિયો વાયરલ થતા જ કિયારાની માફી માંગી

Sidharth Malhotra And Model Video Viral: બોલિવૂડ એક્ટર સિદ્ધાર્થ મલ્હોત્રાએ શુક્રવારે શાંતનુ અને નિખિલના ફેશન ઈવેન્ટમાં રેમ્પ વોક કર્યું હતું. આ રેમ્પ વોકના ઘણા ફોટા અને વીડિયો સોશિયલ મીડિયા પર વાયરલ થઈ રહ્યા છે. સિદ્ધાર્થ મોડલ એલીસિયા કૌર સાથે રેમ્પ વોક કરતો જોવા મળ્યો હતો. વાયરલ થઈ રહેલા તેમના વીડિયોમાં સિદ્ધાર્થ અને એલિસિયા ખૂબ જ નજીક જોવા મળે છે. સોશિયલ મીડિયા યુઝર્સ પણ આ વીડિયો પર કોમેન્ટ કરી રહ્યા છે. વીડિયો પર કોમેન્ટ કરીને યુઝર્સ સિદ્ધાર્થને ટ્રોલ કરી રહ્યા છે. જોકે, મોડલે સિદ્ધાર્થની પત્ની કિયારાની માફી માંગી છે.

મોડલે સિદ્ધાર્થની પત્ની કિયારાની માફી માંગી

હવે મોડલ એલીસિયાએ પણ આ વાયરલ વીડિયો પર પ્રતિક્રિયા આપી છે. મોડલે સિદ્ધાર્થની પત્ની કિયારાની માફી માંગી છે. એલીસિયાએ તેના ઈન્સ્ટાગ્રામ એકાઉન્ટ પર વાયરલ થઈ રહેલો એક વીડિયો શેર કર્યો છે. આ વીડિયો સાથે તેણે હેશટેગ સોરી કિયારા સાથે લખ્યું છે.

લોકો શું કહી રહ્યા છે?

વીડિયોમાં મોડલ ચાલતી આવે છે અને સિદ્ધાર્થને પોતાની નજીક ખેંચે છે. સિદ્ધાર્થ મોડલની નજીક ઉભો છે અને બંને એકબીજાને ભેટે છે. આ વીડિયો પર ઘણા યુઝર્સનું કહેવું છે કે સિદ્ધાર્થ ખૂબ જ અનકંફર્ટેબલ થઈ રહ્યો છે અને મોડલે તેને થોડી જગ્યા આપવી જોઈએ. ત્યારે ઘણા યુઝર્સે કોમેન્ટમાં સિદ્ધાર્થને કહ્યું કે ભાઈ, ધ્યાનમાં રાખો કે તમારે ઘરે પણ જવું પડશે. લોકોએ કમેન્ટ્સમાં કિયારા અડવાણીનો પણ ઉલ્લેખ કર્યો છે.

સિદ્ધાર્થ અને કિયારાના લગ્ન 2023માં થયા હતા

સિદ્ધાર્થ મલ્હોત્રા અને કિયારા અડવાણીના લગ્ન 07 ફેબ્રુઆરી 2023ના રોજ થયા હતા. બંનેએ લાંબા સમય સુધી ડેટ કર્યા બાદ એકબીજા સાથે લગ્ન કર્યા હતા. સિદ્ધાર્થ અને કિયારાની ફિલ્મ શેરશાહએ લોકોને આ કપલની કેમેસ્ટ્રીના દિવાના બનાવી દીધા હતા. બંનેની ઓનસ્ક્રીન અને ઓફસ્ક્રીન કોમેડી લોકોને ગમે છે.