પાટણ કલેક્ટર કચેરીના નાયબ મામલતદાર 5 લાંખની લાંચ લેવા મેડિકલ પાસે આવ્યા અને…

વીપીન પ્રજાપતિ.પાટણ : ભય ભૂખ અને ભ્રષ્ટાચારના સૂત્ર સાથે ગુજરાતમાં વર્ષોથી લાંચિયા બાબુઓ કામ કરી રહ્યા છે. પીએમ નરેન્દ્ર મોદી તેમજ સીએમ ભૂપેન્દ્ર પટેલ ભ્રષ્ટાચારની ઝીરો ટોલરન્સની વાતો કરે છે અને બીજી બાજુ લોકોના કામ કરવામાં તેમની પાસેથી લાંચ મગાય છે. આવી ઘણી ફરિયાદો ઉઠે છે અને એસીબી તેવા લાંચિયા બાબુઓ સામે કાર્યવાહી પણ કરી રહી છે ત્યારે આવી ઘટનાઓ સામે આવી રહી છે. ગુજરાતમાં નાના કર્મચારીથી લઇ સચિવ કક્ષાના અધિકારીઓ ભ્રષ્ટાચારને શિષ્ટાચાર ગણી બેફામ ભ્રષ્ટાચાર થઈ રહ્યો છે. ગુજરાત રાજ્યમાં રોજ સરેરાશ 1 કર્મચારી લાંચના છટકામાં પકડાતા હોય છે ત્યારે પાટણ શહેરમાં આજે એક સફળ ટ્રેપમાં નાયબ મામલતદાર ઝડપાયો હતો. ઉલ્લેખનીય છે કે હાલમાં સરકારી નોકરી લેવા માટે લોકો કેટલી મહેનત કરે છે. આવા શખ્સોને નોકરી મળ્યા પછી જાણે કે સરકારી પગાર અને સવલતો ઓછી પડી રહી હોય તેમ લાલચમાં અંધ બની જતા હોય છે.