By Parth Vyas
ઈન્ડિયન ટીમે T20 વર્લ્ડ કપમાં સુપર-12ની પોતાની અંતિમ મેચમાં ઝિમ્બાબ્વેને 71 રનથી હરાવીને શાનદાર જીત નોંધાવી હતી.
આ જીતની સાથે ટીમ ઈન્ડિયા પોઈન્ટ ટેબલમાં ટોપ પર પહોંચી ગઈ છે.
હવે ઈન્ડિયન ટીમ એડિલેડમાં ઇંગ્લેન્ડ સામે સેમિફાઇનલ-2 રમશે.
ટીમ ઈન્ડિયાના બેટર અને બોલર્સે આ મેચ દરમિયાન ઝિમ્બાબ્વે પર પોતાની પકડ બનાવી રાખી હતી.
ભારતે એક સમયે 101 રનમાં ચાર વિકેટ ગુમાવી દીધી હતી. જો સૂર્યા અહીંથી આઉટ થઈ ગયો હોત તો ટીમ મોટા સ્કોર સુધી પહોંચી શકી ન હોત
કેએલ રાહુલે 35 બોલમાં 51 રન બનાવ્યા હતા. આ સાથે જ સૂર્યકુમારે 25 બોલમાં 61 રનની અણનમ ઇનિંગ રમી હતી.
ભારતીય કેપ્ટન રોહિત શર્માએ ટોસ જીતીને બેટિંગ કરવાનો નિર્ણય કર્યો અને ભારતે ઝિમ્બાબ્વે સામે 187 રનનો લક્ષ્યાંક રાખ્યો હતો.
ભારત તરફથી રવિચંદ્રન અશ્વિને ત્રણ વિકેટ ઝડપી હતી. હાર્દિક પંડ્યા અને મોહમ્મદ શમીએ બે-બે વિકેટ લીધી હતી.
187 રનના ટાર્ગેટ સામે ઝિમ્બાબ્વેની ટીમ 17.2 ઓવરમાં 115 રનમાં સમેટાઈ ગઈ હતી.
ઈન્ડિયન ટીમે 71 રનથી મેચ જીતી સેમિફાઈનલમાં એન્ટ્રી કરી લીધી છે. ઈંગ્લેન્ડ સામે બંને ટીમ વચ્ચે રસાકસીભરી ટક્કર થશે.