વડતાલના ભવ્ય હિંડોળા મહોત્સવના કરો દર્શનઃ Photos
વડતાલના હિંડોળા મહોત્સવમાં બાર બારણાના હિંડોળે ઝુલતા ભગવાન હરિ આકર્ષણનું કેન્દ્ર
સ્વામિનારાયણ તથા વૈષ્ણવ સંપ્રદાયમાં હિંડોળા મહોત્સવનું અનેરૂ મહત્વ છે અને હાલમાં અધિક શ્રાવણ માસ છે.
એવામાં ખેડા જિલ્લાના વડતાલ સ્વામિનારાયણ ધામમાં 45 દિવસના હિંડોળા મહોત્સવનો પ્રારંભ થઈ ચૂક્યો છે.
ખેડામાં આ હિંડોળા મહોત્સવ હાલ આકર્ષણનું કેન્દ્ર બન્યો છે.
ઓરિસ્સા, રાજસ્થાન તથા ગુજરાતના 45 જેટલા કુશળ કારીગરોએ દિવસ રાત મહેનત કરી 22 હજાર ચોરસ ફૂટ જગ્યામાં બે વિશાળ ડોમ બનાવ્યા.
28 જુલાઈ થી 10 સપ્ટેમ્બર સુધી વડતાલમા ભવ્યાતિભવ્ય હિંડોળા મહોત્સવનું આયોજન કરવામાં આવ્યું છે.
આ મહોત્સવનો પ્રારંભ આચાર્ય રાકેશપ્રસાદ મહારાજ, ચેરમેન દેવપ્રકાશ સ્વામી, મંદિરના કોઠારી ડૉ. સંતસ્વામી તથા ગોવિંદસ્વામી સહિતના વડીલ સંતોના હસ્તે કરવામાં આવ્યો.
જેમાં 100 ગામના 35 હજારથી વધુ હરિભક્તો સ્વયંસેવક તરીકે સેવા બજાવશે.
વડતાલ સ્વામિનારાયણ મંદિરને નવેમ્બર 2024માં 200 વર્ષ પૂર્ણ થાય છે. વડતાલ સંસ્થાના ઇતિહાસને પણ આ મહોત્સવમાં રજુ કરાયો છે.
