Cowin પોર્ટલનો ડેટા લીક થયો? વેક્સિન લેનારાઓનો ખાનગી ડેટા ટેલિગ્રામ પર લીક
Cowin રસી માટે નોંધણીમાં આપવામાં આવેલી વિગતો લીક કરવામાં આવી છે. જેમાં નામ, સરનામું, મોબાઈલ નંબર, આધાર કાર્ડની વિગતો, પાસપોર્ટની વિગતો વગેરેનો ખુલાસો થયો છે.
કોવિન પોર્ટલની આ માહિતી ટેલિગ્રામ બોટ પર ઉપલબ્ધ છે. ઘણા યુઝરે લીક થયેલી વિગતોના સ્ક્રીનશોટ પણ શેર કર્યા છે.
ટ્વિટર પર શેર કરવામાં આવેલા સ્ક્રીનશોટમાં ઘણા લોકોની અંગત વિગતો સામે આવી છે.
મલયાલા મનોરમાના અહેવાલો અનુસાર, આ ડેટા લીક કોવિન પોર્ટલ પરથી થયો છે, જેના પર લોકોએ કોવિડ રસીકરણ માટે નોંધણી કરાવી હતી.
માઈક્રોબ્લોગિંગ સાઈટ ટ્વિટર પર આ અંગે ઘણી ટ્વિટ કરવામાં આવી છે, જેમાં દાવો કરવામાં આવી રહ્યો છે કે ટેલિગ્રામ પર જાહેર કરવામાં આવેલી વિગતો સાચી છે.
આ ડેટા લીકને લઈને સરકાર તરફથી કોઈ સત્તાવાર નિવેદન બહાર આવ્યું નથી.
સૂત્રો પાસેથી જાણવા મળ્યું છે કે કેન્દ્રીય મંત્રાલય આ ડેટા લીક અંગે વિગતવાર અહેવાલ તૈયાર કરી રહ્યું છે. તેમજ આ માહિતીની પણ તપાસ કરવામાં આવી રહી છે.
