BJP નેતા જીતુ વાઘાણી જોવા મળ્યા અલગ અંદાજમાં, ફોટા શેર કરીને કર્યું મોટું આહ્વાન
એક તરફ રાજ્યમાં અનેક રાજકીય અટકળો છે ત્યારે આ વચ્ચે રાજ્યના પૂર્વ શિક્ષણમંત્રી અને પૂર્વ પ્રદેશ અધ્યક્ષ જીતુ વાઘાણીએ ફોટા શેર કર્યા છે.
જીતુ વાઘાણી ખેડૂત છે ત્યારે તે હવે સારા વરસાદ વચ્ચે વાવણી કરતાં જોવા મળ્યા છે.
ધારાસભ્ય જીતુ વાઘાણીએ ભાવનગર ખાતે એક વાડીની મુલાકાત લઈને વાવણીની શરૂઆત અને ખેતરના ખેડાણ કરતા પહેલા સંપૂર્ણ વિધિ વિધાનપૂર્વક પૂજન કર્યું.
જીતુ વાઘાણીએ કહ્યું કે પીએમના નેતૃત્વમાં સમગ્ર દેશમાં મીલેટ્સ માટે એક અભિયાન શરૂ કરવામાં આવ્યું છે. હું સૌ ખેડૂત ભાઈઓને મીલેટ્સના પાકનું વાવેતર કરવા આહ્વાન કરું છું
પીએમ મોદી તાજેતરમાં અમેરિકાના સ્ટેટ વિઝિટ પર ગયા હતા ત્યારે વ્હાઈટ હાઉસના સ્ટેટ ડિનરમાં પણ મિલેટ્સની વાનગીનો સમાવેશ થયો હતો.
યુનાઈટેડ નેશન્સે ભારતના પ્રસ્તાવ અને પ્રયત્નો પછી જ 2023ને મિલેટ્સના આંતરરાષ્ટ્રીય વર્ષ તરીકે જાહેર કર્યું છે. દેશમાં ફરી મિલેટ્સની માંગ વધી છે.
