WPL 2024 Auction: મિની ઓક્શનની પહેલી કરોડપતિ, ગુજરાત જાયન્ટ્સે આ ક્રિકેટરને 1 કરોડમાં ખરીદી

વિસ્ફોટક અંદાજમાં રન બનાવે છે

ફોબી લિચફિલ્ડ માત્ર 20 વર્ષની છે. તેની બેટિંગ શૈલી ઘણી આક્રમક છે. T20 ક્રિકેટમાં તે ખૂબ જ વિસ્ફોટક રીતે રન બનાવે છે. તેણે અત્યાર સુધી માત્ર 5 T20 ઈન્ટરનેશનલ મેચ રમી છે. અહીં તેની બેટિંગ એવરેજ 49.50 અને સ્ટ્રાઈક રેટ 220 છે.

A fierce bidding war on between @UPWarriorz & @Giant_Cricket at the moment 🔥🔥

Her current bid is now 90 Lakh 🤯#TATAWPLAuction | @TataCompanies

— Women's Premier League (WPL) (@wplt20) December 9, 2023

એક વર્ષ પહેલાં મુંબઈમાં ડેબ્યૂ કર્યું હતું

ફોબી લેફ્ટ હેન્ડ બેટર છે. તેણે ગયા વર્ષે જ આંતરરાષ્ટ્રીય ક્રિકેટમાં પદાર્પણ કર્યું હતું. બરાબર એક વર્ષ પહેલા, 11 ડિસેમ્બરે, તેણે ભારતમાં તેની પ્રથમ આંતરરાષ્ટ્રીય મેચ રમી હતી. તે મુંબઈનું સ્ટેડિયમ હતું અને સામે ભારતીય ટીમ હતી. હવે, 1 વર્ષ પછી, તેનું નસીબ ફરી એકવાર મુંબઈમાં ચમક્યું.

વનડેમાં પણ આ રેકોર્ડ મજબૂત છે

ફોબી લિચફિલ્ડે આ એક વર્ષમાં ODI અને ટેસ્ટ ક્રિકેટમાં પદાર્પણ કર્યું હતું. અત્યાર સુધી આ ખેલાડીએ 11 વનડે અને એક ટેસ્ટ મેચ રમી છે. ટેસ્ટમાં ફોબીની બેટિંગ એવરેજ 34.50 અને વનડેમાં તેની બેટિંગ એવરેજ 49.14 રહી છે. અત્યાર સુધીમાં તેણીએ આંતરરાષ્ટ્રીય ક્રિકેટમાં એક સદી અને ત્રણ અડધી સદી ફટકારી છે. ફોબી તેના ડાબા હાથથી સ્પિન બોલિંગ પણ કરી શકે છે.