સંન્યાસમાંથી પાછો આવ્યો 24 કલાકમાં સસ્પેન્ડ થયો સ્ટાર ક્રિકેટર, હૈદરાબાદને મોટો ઝટકો

Gujarat Tak

સનરાઇઝર્સ હૈદરાબાદને લાગી શકે છે મોટો ઝટકો

Wanindu Hasaranga : એક ખેલાડી સાથે ખુબ જ વિચિત્ર ઘટના બની છે. શ્રીલંકાના વાનિન્દુ હસરંગાને સસ્પેન્ડ કર્યાના સમાચાર પણ એવા જ છે. શ્રીલંકાના આ સ્પિનર નિવૃતિમાંથી પરત ફરી રહ્યા છે, જેથી તેની ટીમ બાંગ્લાદેશ સામે ટેસ્ટ ક્રિકેટમાં સારુ પ્રદર્શન કરી શકે, શ્રીલંકા ક્રિકેટ બોર્ડ વાનિન્દુ હસરંગાને ટેસ્ટ ટીમમાં સામેલ કર્યાના બીજા જ દિવસે અમ્પાયર સાથે અયોગ્ય વર્તણુંક કરવાને કારણે 2 મેચ માટે પ્રતિબંધિત કરી દેવામાં આવ્યો છે.

હસરંગાની ફ્રેંચાઇઝી હૈદરાબાદ માટે મોટો ફટકો

વાનિન્દુ હસરંગા હાલમાં શ્રીલંકન ક્રિકેટ ટીમ સાથે બાંગ્લાદેશના પ્રવાસ પર છે. જેમાં વન ડે સિરીઝમાં બાંગ્લાદેશની ટીમે શ્રીલંકાને 2-1 થી હરાવ્યું હતું. પરાજય બાદ શ્રીલંકાની ટેસ્ટ ટીમની જાહેરાત થઇ હતી. આ ટીમમાં વાનિન્દુનો પણ સમાવેશ થયો હતો. જો કે હાલમાં જ તેણે ટેસ્ટ ક્રિકેટમાંથી નિવૃતી જાહેર કરી હતી. શ્રીલંકાની ટેસ્ટ ટીમમાં હસરંગાની પસંદગી હૈદરાબાદ માટે મોટો ફટકો છે કારણ તે આઇપીએલની પ્રથમ 3-4 મેચ નહી રમી શકે .

ICC ના નિર્ણયથી હૈદરાબાદ માટે મોટો ફટકો છે

ICC ના એક નિર્ણયે ટેસ્ટ ક્રિકેટમાં વાપસીના હસરંગાના સપનાને રોળી નાખ્યું છે. બાંગ્લાદેશ સામેની ત્રીજી મેટમાં અમ્પાયર સાથે ગેરવર્તણુંક કરવા બદલ તેની અડધી મેચ ફી પણ કાપી લેવાઇ અને ત્રણ ડીમેરિટ પોઇન્ટ અપાયા હતા. આ પ્રકારે હસરંગાને એક વર્ષમાં 8 ડીમેરિટ પોઇન્ટ મળ્યા છે. આ નિયમ અનુસાર વર્ષમાં 8 પોઇન્ટ મળે તો 2 ટેસ્ટ અથવા 4 ODI અથવા T20 મેચ માટે સસ્પેન્ડ થઇ જાય છે.

વાનિન્દુ હસરંગા આઇસીસીમાં અપીલ કરી શકે છે

વાનિન્દુ હસરંગા પાસે સજાની અપીલનો વિકલ્પ છે. જો આઇસીસી તેની અપીલ ફગાવે તો તે ટેસ્ટ સિરીઝ રમી શકશે નહી. જો તે ટેસ્ટ નહી રમે તો તે આઇપીએલમાં રમી શકશે. તેથી જો તે ટેસ્ટ માટે સસ્પેન્ડ થાય છે તો તે હૈદરાબાદ માટે ખુબ જ શુભ સમાચાર સાબિત થશે.