ક્રિકેટ બાદ હવે ફિલ્મોમાં પણ જોવા મળશે શુભમન ગિલનો જાદુ, ‘સ્પાઈડર-મેન’ ફિલ્મમાં આ કામ કરતો દેખાશે

23 વર્ષીય શુભમન ગિલે સોની ઈન્ડિયા દ્વારા ટ્વિટર પર એક વીડિયો શેર કર્યો છે. જેમાં સલામી બેટર દિવાલ સાથે ચોંટેલી જોવા મળે છે. ઘણા લોકો તેને નીચે આવવા માટે વિનંતી કરે છે, જેના પછી શુભમન લોકોને પોતાનો નવો અવતાર બતાવે છે. વાસ્તવમાં, ગયા વર્ષે ધૂમ મચાવનાર ફિલ્મ ‘સ્પાઈડર-મેનઃ નો વે હોમ’નો આગળનો ભાગ ‘સ્પાઈડર-મેનઃ એક્રોસ ધ સ્પાઈડર-વર્સ’નું ટ્રેલર ચર્ચાનો વિષય બની ગયું છે. જેનું કારણ શુભમન ગિલ છે, 23 વર્ષનો બેટર આ ફિલ્મના હિન્દી અને પંજાબી વર્ઝનમાં પોતાનો અવાજ આપી રહ્યો છે. જે પછી ચાહકો આ ફિલ્મ જોવા અને સાંભળવા આતુર છે. તે જ સમયે, ગિલ પણ તેના પ્રિય સુપરહીરો ફિલ્મની રિલીઝની આતુરતાથી રાહ જોઈ રહ્યો છે.

Shub-Man is now Spider-Man! 🕸️🏏

Thrilled to have the talented @ShubmanGill as the voice of our very own – Indian Spider-Man, Pavitr Prabhakar in Spider-Man: Across the #SpiderVerse.
Trailer dropping soon! Get ready for some web-slinging action! 🕷️🇮🇳 pic.twitter.com/k38p4Gorkw

— Sony Pictures India (@SonyPicsIndia) May 8, 2023

‘સ્પાઈડર-મેનઃ એક્રોસ ધ સ્પાઈડર-વર્સ’ ક્યારે રિલીઝ થશે?
હોલિવૂડની સૌથી મોટી ફ્રેન્ચાઈઝી પૈકીની એક સ્પાઈડર મેનનો આ ભાગ 2 જૂને થિયેટરોમાં રિલીઝ થશે. ક્રિકેટ બાદ ફિલ્મી દુનિયામાં પગ મૂકનાર ગિલે પણ આ અંગે પોતાની પ્રતિક્રિયા આપી છે. તેણે એમ પણ કહ્યું કે, આ તેનું પ્રિય સુપરહીરો પાત્ર છે અને તે તેને જોઈને મોટો થયો છે.

ગિલે કહ્યું, ‘હું સ્પાઈડર મેન જોઈને મોટો થયો છું અને તેની સાથે સૌથી વધુ રિલેટ કરી શકું છું. સ્પાઈડર મેનનું હિન્દી વર્ઝન આપણા દેશમાં પહેલીવાર રિલીઝ થવા જઈ રહ્યું છે અને તેની સાથે હું આ ભારતીય સ્પાઈડર મેનનો અવાજ બનવા જઈ રહ્યો છું. મારા માટે પવિત્ર પ્રભાકરનો અવાજ બનવું એ મોટી વાત છે. આ આપ્યા પછી હું સુપર હ્યુમન જેવું અનુભવું છું. હું આ ફિલ્મની રિલીઝની આતુરતાથી રાહ જોઈ રહ્યો છું.