Paris Olympic: ગોલ્ડ જીતવાની ખુશીમાં કોચને આવ્યો કાર્ડિયાક એરેસ્ટ, ભારતીય મૂળના ડોક્ટરે બચાવ્યો જીવ

Paris Olympic: ઉઝબેકિસ્તાને પેરિસ ઓલિમ્પિક 2024માં ઈતિહાસ રચ્યો હતો. તેણે બોક્સિંગમાં પાંચ ગોલ્ડ મેડલ જીત્યા, જે છેલ્લા 20 વર્ષમાં ઓલિમ્પિકમાં સૌથી વધુ છે. આ બધું ત્યારે ઉઝબેકિસ્તાનના બોક્સિંગ કોચ તુલ્કિન કિલિચેવને પ્રથમ ગોલ્ડ જીતતી વખતે કાર્ડિયાક અરેસ્ટ આવી ગયો. આ ઘટના ફ્લાયવેટ કેટેગરીમાં હસનબોય દુસમાતોવની જીત બાદ બની હતી. બ્રિટિશ ટીમના ડોક્ટર હર્જ સિંહ અને ફિઝિયો રોબી લિલિસે તેનો જીવ બચાવ્યો. ભારતીય મૂળના હર્જ સિંહે તેમને CPR આપ્યું, ત્યારે લિલિસે ઇલેક્ટ્રિક કરંટ મશીનનો ઉપયોગ કર્યો. આ પછી કિલિચેવને હોસ્પિટલમાં દાખલ કરવામાં આવ્યા હતા.

કોચ હોસ્પિટલમાં શિષ્યોએ ગોલ્ડની ભેટ આપી

તેમના શિષ્યોએ વધુ ચાર મેડલ જીતીને તેમના ગુરુને અદ્ભુત ભેટ આપી હતી. ઉઝબેકિસ્તાને પેરિસ ઓલિમ્પિકમાં પાંચ બોક્સિંગ ગોલ્ડ જીત્યા, ક્યુબાની બરાબરી કરી, જેણે 2004માં પાંચ ગોલ્ડ મેડલ જીત્યા હતા. પેરિસ ઓલિમ્પિકમાં ઉઝબેકિસ્તાન માટે દુસમાતોવ (51 કિગ્રા કેટેગરી) ઉપરાંત, બખોદીર જાલોલોવ (92 કિગ્રા પ્લસ કેટેગરી), લાઝિઝબેક મુલોઝોનોવ (92 કિગ્રા કેટેગરી), અસદખુજા મુયડિનખુઝાએવ (71 કિગ્રા કેટેગરી) અને અબ્દુમલિક ખાલોકોવ (57 કિગ્રા કેટેગરી)એ ગોલ્ડ મેડલ જીત્યો હતો. ઉઝબેક બોક્સરોને ત્રણ વર્ષ પહેલા ટોક્યોમાં માત્ર એક ગોલ્ડ મળ્યો હતો. ત્યારે માત્ર જાલોલોવ ગોલ્ડ જીતી શક્યો. જોકે, તેણે 2016 રિયો ઓલિમ્પિકમાં ત્રણ ગોલ્ડ જીત્યા હતા.

જલોલોવે કોચને શું કહ્યું?

જલોલોવે કોચ વિશે કહ્યું, 'તે અમારા માટે કોચ અથવા પિતા કરતાં વધારે છે. તેમણે અમને ઉછેર્યા છે. તેમણે અમને શીખવ્યું છે. તેમણે અમારામાં રમતગમતની ભાવના જગાડી છે. તે દિલથી મારી સાથે છે અને હું તેમને મળવા હોસ્પિટલ જઈશ. ઉઝબેકિસ્તાન માટે આ ઈતિહાસ છે અને હું ભાવુક છું કારણ કે બે વખત ઓલિમ્પિક ચેમ્પિયન બનવાનું મારું સપનું હતું. જલોલોવે ફાઇનલમાં સ્પેનના અયુબ ગડફાને 5-0થી હરાવ્યો હતો. તે હવે પ્રો બોક્સિંગમાં જવા માંગે છે.

Paris Olympic: ગોલ્ડ જીતવાની ખુશીમાં કોચને આવ્યો કાર્ડિયાક એરેસ્ટ, ભારતીય મૂળના ડોક્ટરે બચાવ્યો જીવ

Yogesh Gajjar

Yogesh Gajjar

કોચ હોસ્પિટલમાં શિષ્યોએ ગોલ્ડની ભેટ આપી

જલોલોવે કોચને શું કહ્યું?