W,W,W,W,W... ટોપ રેન્કિંગ બેટ્સમેને બોલિંગ કરીને ચોંકાવ્યા, ઝડપી 5 વિકેટ
વિશ્વના ટોચના રેન્ક્ડ બેટ્સમેનોમાંના એક ક્રિકેટરે T20 મેચમાં કમાલ કરી બતાવી. આ બેટ્સમેને બોલથી એક બાદ એક વિકેટો ઝડપી લીધી હતી. એક-બે નહીં પરંતુ 5 વિકેટ તેના નામે છે. આ દ્રશ્ય જોઈને સ્ટેડિયમમાં બેઠેલા ચાહકો પણ દંગ રહી ગયા હતા.
ADVERTISEMENT
Glamorgan vs Somerset T20 blast : વિશ્વના ટોચના રેન્ક્ડ બેટ્સમેનોમાંના એક ક્રિકેટરે T20 મેચમાં કમાલ કરી બતાવી. આ બેટ્સમેને બોલથી એક બાદ એક વિકેટો ઝડપી લીધી હતી. એક-બે નહીં પરંતુ 5 વિકેટ તેના નામે છે. આ દ્રશ્ય જોઈને સ્ટેડિયમમાં બેઠેલા ચાહકો પણ દંગ રહી ગયા હતા. આ બધું T20 બ્લાસ્ટમાં સમરસેટ અને ગ્લેમોર્ગન વચ્ચેની મેચ દરમિયાન જોવા મળ્યું હતું. પોતાની બેટિંગ માટે જાણીતા ઓસ્ટ્રેલિયાના સ્ટાર ક્રિકેટર માર્નસ લાબુશેને બોલથી તબાહી મચાવી હતી. તમને જણાવી દઈએ કે માર્નસ વિશ્વના ટોપ ટેસ્ટ બેટ્સમેનોમાં સામેલ છે. તે ટેસ્ટ રેન્કિંગમાં 12મા નંબર પર છે.
11 રન આપીને 5 વિકેટ ઝડપી
ઓસ્ટ્રેલિયાના સ્ટાર બેટ્સમેન માર્નસ લાબુશેને T20 બ્લાસ્ટ મેચમાં કમાલ કરી હતી. ગ્લેમોર્ગન માટે રમતી વખતે લેબુશેને બેટથી નહીં પણ બોલથી તબાહી મચાવી હતી. સમરસેટ સામેની મેચમાં લેબુશેને 5 બેટ્સમેનોને માત્ર 11 રન આપીને પેવેલિયનનો રસ્તો બતાવ્યો હતો. તેની ખતરનાક બોલિંગ જોઈને સ્ટેડિયમમાં હાજર પ્રશંસકો દંગ રહી ગયા હતા. લેબુશેને બોલિંગમાં માત્ર 2.3 ઓવરમાં જ વિકેટ ઝડપી હતી.
લેબુશેનની ટીમ જીતી ગઈ
લેબુશેનની ખતરનાક બોલિંગના કારણે ગ્લેમોર્ગને સમરસેટ સાથેની આ મેચમાં 120 રનથી મોટી જીત નોંધાવી હતી. પ્રથમ બેટિંગ કરતા ગ્લેમોર્ગન ટીમે નિર્ધારિત 20 ઓવરમાં 4 વિકેટ ગુમાવીને 243 રનનો જંગી સ્કોર બનાવ્યો હતો. જવાબમાં સમરસેટની ટીમ માત્ર 123 રનમાં જ સમેટાઈ ગઈ હતી. ગ્લેમોર્ગનના કિરન કાર્લસને વિસ્ફોટક બેટિંગ કરી અને 64 બોલમાં 135 રન બનાવ્યા. તેની ઇનિંગમાં 14 ચોગ્ગા અને 8 છગ્ગાનો સમાવેશ થાય છે. વિલિયમ સ્મેલીએ 59 રનની ઇનિંગ રમી હતી.
ADVERTISEMENT
લેબુશેન ટેસ્ટમાં 12મા નંબર પર
માર્નસ લાબુશેન બોલિંગ માટે નહીં પરંતુ આંતરરાષ્ટ્રીય ક્રિકેટમાં બેટિંગ માટે ફેમસ છે. ઓસ્ટ્રેલિયા તરફથી રમતા આ સ્ટાર બેટ્સમેન ટેસ્ટ રેન્કિંગમાં 12મા નંબર પર છે. તેના નામે 50 ટેસ્ટ મેચોમાં 4114 રન છે જેમાં 11 સદી અને 20 અડધી સદી સામેલ છે. તેણે 52 ODI મેચોમાં 1656 રન પણ બનાવ્યા છે. ત્યારે તે T20 આંતરરાષ્ટ્રીયમાં માત્ર એક મેચ રમ્યો છે, જેમાં તેણે 2 રન બનાવ્યા છે. તેની પાસે આંતરરાષ્ટ્રીય ક્રિકેટમાં કુલ 15 વિકેટ છે, જે તેણે ટેસ્ટ અને વનડેમાં લીધી છે.
ADVERTISEMENT