વિરાટ કોહલીનું IPL જીતવાનું સપનું ફરી તૂટતા પૂર્વ દિગ્ગજ ક્રિકેટરે RCB છોડીને આ ટીમમાં જવાની સલાહ આપી

કોહલીને નવી ટીમમાં જવા સલાહ
પીટરસને ફરી એકવાર ટ્વિટ કરીને કોહલીને સલાહ આપી છે. પીટરસને ટ્વીટ કરીને લખ્યું, ‘હવે સમય આવી ગયો છે કે વિરાટ RCB છોડીને કેપિટલ ટીમમાં જાય.’ ઈંગ્લેન્ડના ભૂતપૂર્વ દિગ્ગજ અને કોમેન્ટેટર પીટરસનનું આ ટ્વીટ વાયરલ થયું છે. તેના પર ચાહકો ઉગ્ર કમેન્ટ કરી રહ્યા છે. પીટરસન કોહલીને અહીં દિલ્હી કેપિટલ્સમાં જવા માટે સલાહ આપી રહ્યો છે. કારણ કે વિરાટ કોહલી પોતે પણ દિલ્હીનો છે અને ક્રિકેટ કરિયરની શરૂઆત પણ તેણે દિલ્હીથી જ કરી હતી. ત્યારે કેટલાક ફેન્સ પણ પીટરસનને જણાવી રહ્યા છે કે કોહલી RCBને ક્યારેય નહીં છોડે.

Time for VIRAT to make the move to the capital city…! #IPL

— Kevin Pietersen🦏 (@KP24) May 22, 2023

IPLમાં કોહલીએ 2 સદી ફટકારી
IPLમાં આ વખતે પણ આરસીબીની ટીમ ટાઈટલ જીતી શકી નથી, પરંતુ કોહલીએ શાનદાર પ્રદર્શન કર્યું હતું. આ સિઝનમાં કોહલીએ 2 સદી ફટકારી હતી અને કુલ 639 રન બનાવ્યા હતા. કોહલીએ 53.25ની એવરેજથી 639 રન બનાવ્યા જેમાં 2 સદી અને 6 અડધી સદી સામેલ છે. વિરાટ IPLના ઈતિહાસમાં સૌથી વધુ સદી ફટકારનાર બેટ્સમેન પણ બન્યો છે. કોહલીએ હવે IPLમાં કુલ 7 સદી ફટકારી છે.

Virat is RCB and RCB is Virat. Loyalty can't be bought, KP.

— Farid Khan (@_FaridKhan) May 22, 2023

Ain't happening ever. Kohli can never be the one who would leave RCB just for trophy.

— Pari (@BluntIndianGal) May 22, 2023

Yes Gambhir and Virat in DC 🤣

— Mr.Yadav (@MigTrader) May 22, 2023

તમને જણાવી દઈએ કે આ સિવાય કોહલી IPLમાં સતત 2 મેચમાં સદી ફટકારનાર ત્રીજો બેટ્સમેન પણ બન્યો છે. કોહલીએ આ સિઝનમાં જે રીતે બેટિંગ કરી તે જોઈને ચાહકોને 2016ની આઈપીએલ સિઝન યાદ આવી ગઈ. તે IPL સિઝનમાં, કોહલીએ 4 સદી ફટકારી હતી અને સાથે જ કુલ 973 રન બનાવ્યા હતા.