ભારતનો પાકિસ્તાની ટીમ સામે શરમજનક પરાજય, તમામ ખેલાડીઓનો ધબડકો

ભારતીય ટીમના ઓપનર અભિષેક શર્માએ 61 રન બનાવ્યા હતા. કેપ્ટન યસ ધુલેએ 39 રન બનાવ્યા હતા. સાંઇ સુદર્શને 29 બનાવ્યા હતા. આ ત્રણ ખેલાડીઓ સિવાયના તમામ ખેલાડીઓ નાનો મોટો સ્કોર બનાવીને ચાલતી પકડી હતી. પાકિસ્તાની બોલરોની આક્રમક બોલિંગ સામે એક પણ ખેલાડી ટકી શક્યો નહોતો. પાકિસ્તાન તરફતી સૂફિયાન મુકિને 3, અરસદ ઇકબાલ અને મુબાસીર ખાને 2-2 વિકેટો ઝડપી હતી.

અત્રે ઉલ્લેખનીય છે કે, પાકિસ્તાની ટીમે પ્રથમ બેટિંગ કરીને 50 ઓવરમાં 8 વિકેટનાં નુકસાને 352 રનનો વિશાળ સ્કોર ખડકી દીધો હતો. પાકિસ્તાની ટીમ તરફથી તૈયબ તાહિરે 71 બોલમાં 108 રન બનાવ્યા હતા. જેમાં 12 ચોગ્ગા અને 4 છગ્ગા ફટાકાર્યા હતા. પરિણામે ભારતીય ટીમને ખુબ જ વિશાળ રનનો ટાર્ગેટ મળ્યો હતો. જે સ્કોરને ભારતીય ટીમ પાર કરી શકી નહોતી.