'સદી મારી છતાં ટીમમાંથી બહાર કર્યો, રોહિત-વિરાટ બની શક્તો હતો', નિવૃત્તિ બાદ Dhoni પર ભડક્યો ક્રિકેટર

'મારી પાસે રોહિત-વિરાટ બનવાની ક્ષમતા હતી'

તેણે કહ્યું, 'મારા પાસે રોહિત શર્મા અને વિરાટ કોહલી જેવા હીરો બનવાની ક્ષમતા હતી, પરંતુ હું એ બની શક્યો નહીં. આજે જ્યારે હું ટીવી પર જોઉં છું કે ઘણા લોકોને વધુ તકો મળી રહી છે ત્યારે મને દુઃખ થાય છે.

વેસ્ટ ઈન્ડિઝ વિરુદ્ધ 104 રનની ઈનિંગ્સ રમી હતી

તિવારીએ 2011માં ચેન્નાઈમાં વેસ્ટ ઈન્ડિઝ વિરુદ્ધ 104 રનની શાનદાર અણનમ ઈનિંગ રમી હતી. તેણે 12 ODI મેચોમાં 287 રન બનાવ્યા હતા, તિવારીએ ટીમની પસંદગી પ્રક્રિયા પર જ સવાલ ઉઠાવ્યા હતા.

સારા પ્રદર્શન છતા ટીમમાંથી પડતો મૂકાયો

હકીકતમાં, આ શાનદાર પ્રદર્શન છતાં,MS ધોનીની કપ્તાની હેઠળની આગામી 14 મેચો માટે તેને પડતો મૂકવામાં આવ્યો હતો. તિવારીએ ત્રણ T-20 મેચોમાં પણ ભાગ લીધો હતો, જેમાં તેણે 12 રન બનાવ્યા હતા.

મનોજ તિવારીએ દંડ ભરવો પડ્યો હતો

મનોજ તિવારીએ તાજેતરમાં 'X' પર પોસ્ટ કર્યું હતું કે રણજી ટ્રોફીને 'સમાપ્ત' કરી દેવી જોઈએ, પરંતુ તેણે આ વિષય પર વિસ્તૃત માહિતી આપી ન હતી. આ પોસ્ટ માટે તેને તેની મેચ ફીના 20 ટકા દંડ ફટકારવામાં આવ્યો હતો.

મનોજ તિવારીએ ગયા વર્ષે 3 ઓગસ્ટે ક્રિકેટના દરેક ફોર્મેટને અલવિદા કહી દીધું હતું. આ પછી, તેણે 5 દિવસ પછી જ નિવૃત્તિ પર યુ-ટર્ન લીધો, ક્રિકેટ એસોસિએશન ઓફ બંગાળ (CAB) ના પ્રમુખ સ્નેહાસીશ ગાંગુલી સાથે ચર્ચા કર્યા પછી, મનોજે પોતાનો નિર્ણય બદલી નાખ્યો હતો.