ટેસ્ટમાં ભુંડા પરાજય બાદ રોહિતે ICC સામે જ ઉઠાવ્યા સવાલ, ચાહકોમાં રોષ

ભારતીય ટીમ 2013ની ઈંગ્લેન્ડ સામે ચેમ્પિયન્સ ટાઇટલ જીત્યું હતું. ત્યારથી વિરાટ કોહલી અને રોહિત શર્માની કપ્તાની હેઠળ ભારત ICC ટ્રોફી માટે સતત સંઘર્ષ કરી રહ્યું છે. જો કે હજી સુધી સફળતા મળી નથી. રોહિત શર્માની કેપ્ટનશીપ હેઠળ બે ICC ટૂર્નામેન્ટમાં ભારત સફળતાથી દુર જ રહ્યું છે. ICC વર્લ્ડ ટેસ્ટ ચેમ્પિયનશિપ ફાઈનલ ઉપરાંત ગત વર્ષે T20 વર્લ્ડ કપ સેમિફાઈનલમાં મળેલી હારને કારણે પણ ચાહકોમાં ભારે નિરાશા છે. રોહિત પર જ હવે ચાહકો સવાલ ઉઠાવવા લાગ્યા છે. જેના પગલે હવે રોહિત શર્માની કપ્તાની પર જ સવાલો ઉઠવા લાગ્યા છે. અનેક નિષ્ણાંતો પણ રોહિત પર રોષે ભરાયેલા છે. જેના કારણે તેની કપ્તાની પર પણ ખતરો છે.

રોહિત શર્માની કેપ્ટન્સીમાં ICC ટૂર્નામેન્ટમાં જ નહીં પરંતુ ગયા વર્ષે એશિયા કપમાં પણ ભારતને હારનો સામનો કરવો પડ્યો હતો. ખાસ બાબત છે કે, ટીમ ફાઇનલમાં પણ સ્થાન બનાવવામાં નિષ્ફળ રહી હતી. જેના પગલે હવે ભારતમાં ઓક્ટોબર-નવેમ્બરમાં ICC ODI વર્લ્ડ કપ રમાવાનો છે. ત્યારે આ મેચમાં રોહિત શર્મા માટે કેપ્ટન તરીકે છેલ્લી તક માનવામાં આવી રહી છે. જો તેમાં પણ નિષ્ફળતા મળે છે તો રોહિતની કારકિર્દી સામે મોટો સવાલ પેદા થઇ શકે છે. જો કે આ દરમિયાન કોઈ કારણોસર ટીમ ટ્રોફી જીતવાથી દુર રહી તો બીસીસીઆઈએ કેપ્ટનશીપ વિચાર કરવો પડે તેવી સ્થિતિ સર્જાઇ શકે છે.