ચૂંટણી પહેલા ગુજરાતી કલાકારોએ કેસરિયો ધારણ કર્યો, ગઝલકાર મનહર ઉદાસ સહિત 11 કલાકારો ભાજપમાં જોડાશે

ગઝલકાર મનહર ઉદાસની ભાજપમાં એન્ટ્રી

ગુજરાતમાં આગામી 4 મહિનામાં જ વિધાનસભાની ચૂંટણી યોજાવા જઈ રહી છે. એવામાં ભાજપ સહિતના તમામ પક્ષોમાં રાજકીય ગતિવિધિઓ તેજ થઈ ગઈ છે. રાજકીય પાર્ટીઓમાં જાણીતા ચહેરાઓને જોડવાની હોડ જામી છે, આ વચ્ચે ગુજરાત ભાજપમાં જાણીતા સિંગર મનહર ઉધાસ ભાજપમાં જોડાઈ ગયા છે. ગાંધીનગર ખાતે કમલમમાં યોજાયેલા કાર્યક્રમમાં તેમણે પ્રદેશ પ્રમુખ સી.આર પાટીલના હસ્તે કેસરી ખેસ ધારણ કર્યો હતો.

Live: પ્રદેશ અધ્યક્ષ શ્રી @CRPaatil ની વિશેષ ઉપસ્થિતિમાં જાણીતા ગાયક શ્રી મનહર ઉધાસનું ભારતીય જનતા પાર્ટીમાં સ્વાગત | સ્થળ: પ્રદેશ કાર્યાલય 'શ્રી કમલમ્' https://t.co/u8TxXHZoXn

— BJP Gujarat (@BJP4Gujarat) August 2, 2022

કમલમ ખાતે કાર્યક્રમમાં ખેસ ધારણ કર્યો
પોતાની ગઝલથી લોકોના દિલ જીતનારા મનહર ઉદાસની સાથે મ્યૂઝિક ડાયરેક્ટર મૌલિક મહેતાએ કેસરિયો ધારણ કર્યો છે. તથા સંગીતકાર મોસમ મહેતા, પાયલ શાહ, મલક મહેતા તથા યશ બારોટ પણ ભાજપમાં જોડાયા છે. જ્યારે ફિલ્મ એક્ટરની વાત કરીએ તો સુનિલ વિસરાણી, આશિષ કૃપાલા અને સોનક વ્યાસ પણ હવે ગુજરાતી રંગભૂમીની સફર બાદ પોલિટિક રંગમાં રંગાયા છે. સી.આર.પાટીલ દ્વારા દરેકે ભાજપનો ખેસ ધારણ કર્યો છે.