‘હું છું ને, તું ચિંતા કેમ કરે છે?’, પ્રેગ્નેન્ટ નીના ગુપ્તાને સતીશ કૌશિકે લગ્ન માટે કર્યું હતું પ્રપોઝ, આવું છે કારણ

Yogesh Gajjar

ADVERTISEMENT

gujarattak
social share
google news

મુંબઈ: બોલિવૂડ એક્ટર અને ડિરેક્ટર સતીશ કૌશિક હવે આપણી વચ્ચે નથી રહ્યા. 66 વર્ષની વયે તેમણે આ દુનિયાને હંમેશા માટે અલવિદા કહી દીધું છે. અભિનેતાના નિધનના સમાચારથી તેના તમામ ચાહકોના દિલ તૂટી ગયા છે. ફિલ્મી દુનિયામાં સન્નાટો છે. સતીશ કૌશિકની વિદાય સીને જગત માટે મોટી ખોટ છે.

સતીશ કૌશિક ચાહકોના દિલમાં વસે છે
સતીશ કૌશિકે પોતાના દમદાર અભિનયથી લોકોના દિલમાં એક ખાસ જગ્યા બનાવી હતી. તેના ઘણા પાત્રો આજે પણ લોકોના દિલમાં વસે છે. અભિનયની સાથે તેમણે દિગ્દર્શનમાં પણ ઘણું નામ કમાવ્યું હતું. સતીશ કૌશિકે ફિલ્મોમાં કોમેડિયન અને સહાયક કલાકાર તરીકે પણ કામ કર્યું હતું. તેમની કોમિક ટાઈમિંગ શાનદાર હતી. તે દરેક પાત્રમાં પ્રાણ પૂરતા હતા.

આ પણ વાંચો: પરિવાર સાથે હોળી રમ્યા, પછી બેચેની થવા લાગી, અચાનક કેવી રીતે બગડી સતીષ કૌશિકની તબિયત?

આ પણ વાંચો

ADVERTISEMENT

શા માટે નીના ગુપ્તા સાથે લગ્ન કરવા માંગતા હતા?
ફિલ્મો ઉપરાંત સતીશ કૌશિક તેમની અંગત જિંદગીને કારણે પણ ચર્ચામાં હતા. સતીશ કૌશિકના લગ્ન વર્ષ 1985માં શશિ સાથે થયા હતા. પરંતુ બહુ ઓછા લોકો જાણે છે કે બોલિવૂડ એક્ટ્રેસ નીના ગુપ્તા તેમના દિલમાં વસે છે. સતીશ કૌશિકે નીના ગુપ્તાને લગ્ન માટે પ્રપોઝ કર્યું હતું અને તે પણ ત્યારે જ્યારે તે ગર્ભવતી હતી. નીના ગુપ્તાએ તેના પુસ્તક ‘સચ કહું તો’માં આ વાતનો ખુલાસો કર્યો હતો. નીના ગુપ્તાએ પોતાના પુસ્તકમાં જણાવ્યું હતું કે, સતીશ કૌશિક તેની સાથે લગ્ન કરીને મસાબા ગુપ્તાના પિતા બનવા માંગતો હતો.

ADVERTISEMENT

સતીશ કૌશિકે નીના ગુપ્તાને કંઈક એવું કહ્યું હતું જેણે તેનું દિલ જીતી લીધું હતું. સતીશ કૌશિકે કહ્યું હતું- ‘ચિંતા ન કરો, જો બાળક શ્યામ રંગનું જન્મે, તો કહેજે કે તે મારું છે અને અમે લગ્ન કરીશું. કોઈને કંઈપણ શંકા નહીં જાય. જ્યારે નીના ગુપ્તાએ આ ખુલાસો કર્યો ત્યારે સતીશ કૌશિકે પણ તેના પર પ્રતિક્રિયા આપી હતી. સતીશ કૌશિકે બોમ્બે ટાઈમ્સને આપેલા ઈન્ટરવ્યુમાં નીતા ગુપ્તાના ખૂબ વખાણ કર્યા હતા. સતીશ કૌશિકે કહ્યું હતું કે તે નીના ગુપ્તા સાથે સાચા મિત્રની જેમ ઊભા રહેવા માંગે છે. સતીશ કૌશિકે પણ લગ્ન કર્યા વગર એકલા હાથે બાળકને ઉછેરવાની રીતની પ્રશંસા કરી હતી.

ADVERTISEMENT

સતીશ સાચા મિત્ર બનીને નીના ગુપ્તાનો સહારો બનવા માંગતા હતા
સતીશ કૌશિકે કહ્યું હતું, હું એક સાચા મિત્ર તરીકે તેમની પડખે ઊભા રહેવા માંગતો હતો. હું તેમને ખાતરી આપવા માંગતો હતો કે હું તેમની સાથે છું. હું તે સમય દરમિયાન તેમને એકલું અનુભવ થાય તેમ નહોતો ઈચ્છતો. દિવસના અંતે ફક્ત મિત્રો જ સાચા માટે માટે ઉભા રહે છે. જ્યારે મેં નીનાને લગ્ન માટે પ્રપોઝ કર્યું ત્યારે મારી લાગણી મિશ્રિત હતી. રમૂજ સાથે આદર હતો. બેસ્ટ ફ્રેન્ડ તરીકે સપોર્ટ કરવા માંગતો હતો, જ્યારે તેને કોઈ વ્યક્તિની સૌથી વધુ જરૂર હતી, ત્યારે મેં તેને કહ્યું કે હું અહીં છું, તમે શા માટે ચિંતા કરો છો?

તે સમયે નીના ખૂબ જ લાગણીશીલ થઈ ગઈ હતી. નીના ગુપ્તાએ તેના પુસ્તકમાં લખ્યું છે – તે ખૂબ જ મૈત્રીપૂર્ણ જેસ્ચર હતું. મારી આંખમાંથી આંસુ આવી ગયા કે જુઓ, મારા કેવા મિત્રો છે, જેમના દિલમાં આ વિચાર હતો અને તેમણે મને આ રીતે કહ્યું. હું ખૂબ જ પ્રભાવિત થઈ. મેં કહ્યું- તમારો ખૂબ ખૂબ આભાર. પરંતુ મને નથી લાગતું કે તેની જરૂર પડશે.

સતીશ કૌશિકની નીના ગુપ્તા સાથેની મિત્રતા ખાસ હતી
સતીશ કૌશિક અને નીના ગુપ્તા લગ્ન ન કરી શક્યા, પરંતુ બંને વર્ષ 1975થી અત્યાર સુધી એકબીજાના ખૂબ સારા મિત્રો હતા. જ્યારે નીના ગુપ્તા ગર્ભવતી હતી ત્યારે બંનેની મિત્રતા અકબંધ રહી હતી. નીના ગુપ્તાના મુશ્કેલ સમયમાં સતીશ કૌશિક તેના મિત્ર સાથે લગ્ન કરીને તેનો સહારો બનવા માંગતા હતા. ત્યારથી બંનેની મિત્રતા ગાઢ બનતી ગઈ. પરંતુ હવે સતીશ કૌશિક તેની પ્રિય મિત્ર નીના ગુપ્તાને કાયમ માટે છોડી ગયા છે. સતીશ કૌશિકના નિધનથી સમગ્ર સિનેમા જગત આઘાતમાં છે. દરેકનું હૃદય ભારે છે. સતીશ કૌશિક તો ગયા, પણ તેઓ પોતાની પાછળ ઘણી સુંદર યાદો છોડી ગયા છે. તેના તમામ સ્નેહીજનો તેને ભીની આંખે યાદ કરી રહ્યા છે.

તમારા વ્હોટ્સએપ પર વધારે સમાચારો અને બ્રેકિંગ ન્યૂઝ મેળવવા માટે ક્લિક કરો…

 

    follow whatsapp

    ADVERTISEMENT