મહિલા શિક્ષિકાએ લોખંડના સળીયાથી માર માર્યો, 30 વિદ્યાર્થીઓ ઘાયલ

મુંબઇની શાળાનો ચોંકાવનારો કિસ્સો

ડોંબિવલી પશ્ચિમમાં આવેલી એક શાળામાં વાલીઓના ઘુસવા અને ત્યાં હોબાળો મચાવવાનો વીડિયો સોશિયલ મીડિયા પર વાયરલ થઇ રહ્યો છે. વીડિયોમાં પેરેંટ્સની સાથે આશરે 30 વિદ્યાર્થીઓ પણ જોઇ શકાય છે જેને પટ્ટીઓ બાંધેલી છે. અભિભાવક બપોરે શાળા પહોંચ્યા અને મેનેજમેન્ટને સવાલ કર્યો કે શિક્ષકે તેમને બાળકોને કેમ માર માર્યો? તેમણે શિક્ષિકાની વિરુદ્ધ કડક કાર્યવાહી માટેની માંગ કરી. ત્યાર બાદ શાળા કેમ્પસમાં અનેક કલાક સુધી હોબાળો થતો રહ્યો.

આ મામલે પેરેંટ્સે મીડિયા સાથે પણ વાતચીત કરી હતી. એક વાલીએ આ અંગે માહિતી આપી હતી. તેમણે કહ્યું કે, આ મહિલા શિક્ષિકાએ બાળકોને લોખંડના સળીયાથી ઢોર માર માર્યો હતો. જેના કારણે બાળકોને ગંભીર ઇજા પહોંચી હતી.

બદલો લેવા માટે ઢોર માર માર્યો?

એક અન્ય વાલીએ કહ્યું કે, બે દિવસ પહેલા આ શિક્ષિકાની વિરુદ્ધ અમે ફરિયાદો લઇને આવ્યા હતા. કારણ કે તેમના ભણાવેલું વિદ્યાર્થીઓને ખબર નહોતી પડી. એવું લાગે છે તેણે બદલો લેવા માટે વિદ્યાર્થીઓને ઢોર માર માર્યો છે. આ મામલે કમેંટ્સ માટે શાળા મેનેજમેન્ટ સાથે અનેક વખત કોંટેક્ટ કરવાના પ્રયાસો કરવામાં આવ્યા. જો કે શાળા મેનેજમેન્ટનો સંપર્ક કરી શક્યો નહોતો.