Ram Mandir Ayodhya: રામલલાની પ્રતિમા માટે કેમ કાળા પથ્થરની પસંદગી કરવામાં આવી? જાણો રહસ્યમય કારણ

શા માટે રામલલાની મૂર્તિ કાળા પથ્થરમાંથી બનાવવામાં આવી છે?

અરુણ યોગીરાજની પત્ની પ્રતિમા શા માટે બ્લેક સ્ટોનમાંથી બનાવવામાં આવી છે તેના વિશે જણાવ્યું. તેને કહ્યું કે, રામલલાની મૂર્તિ કાળા પથ્થરમાંથી બનાવવામાં આવી છે. આ પથ્થરની ખાસ વાત એ છે કે દૂધનો અભિષેક કરવાથી આ પથ્થર પર કોઈ અસર નહીં થાય.આ પથ્થરને કોઈપણ પ્રકારના એસિડ કે અન્ય પદાર્થથી નુકસાન થશે નહીં અને હજારો વર્ષો સુધી આ રીતે જ રહેશે.

જુઓ પ્રતિમા વિશે અરુણ યોગીરાજની પત્નીએ શું કહ્યું

અરુણ યોગીરાજની પત્ની વિજેતાનું કહેવું છે કે રામ મંદિરના અભિષેક પહેલા રામલલાની તસવીરો લીક થવાથી તે થોડી દુ:ખી છે. પરંતુ ખુશીની વાત એ છે કે રામલલાની મૂર્તિને લોકોનો પ્રેમ મળી રહ્યો છે. આટલો પ્રેમ મેળવીને અમે ખૂબ જ સન્માનની લાગણી અનુભવીએ છીએ. આનાથી અમારું જીવન ધન્ય બની ગયું છે. પરંતુ તેમણે એવું પણ કહ્યું કે આ ભગવાન રામની સંપૂર્ણ તસ્વીર નથી.

રામલલાની 51 ઈંચની પ્રતિમા

તમને જણાવી દઈએ કે આ પહેલા જ્યારે રામલલાની મૂર્તિની તસવીરો સામે આવી ત્યારે તેને સફેદ કપડાથી ઢાંકી દેવામાં આવી હતી. મૈસુરના શિલ્પકાર અરુણ યોગીરાજ દ્વારા તૈયાર કરવામાં આવેલી રામલલાની 51 ઈંચની મૂર્તિ ગુરુવારે વહેલી સવારે મંદિરમાં લાવવામાં આવી હતી.

અરુણ યોગીરાજ કર્ણાટકના રહેવાસી છે. મૈસુરના પ્રસિદ્ધ શિલ્પકારોની પાંચ પેઢીની પારિવારિક પૃષ્ઠભૂમિ ધરાવતા અરુણ યોગીરાજ હાલમાં દેશમાં સૌથી વધુ ઇચ્છિત શિલ્પકાર છે. અરુણ એક શિલ્પકાર છે જેની વડાપ્રધાન નરેન્દ્ર મોદીએ પણ પ્રશંસા કરી છે. અરુણના પિતા યોગીરાજ પણ કુશળ શિલ્પકાર છે.