Video: ‘MLA અનિલસિંહ આવે તો ઊભા થઈ જવાનું’- અધિકારીઓને પોતાનું જ નામ લઈ BJP ધારાસભ્યએ તતડાવી નાખ્યા

ખુરશી પણ ઊંચી રાખવાની નહીંઃ BJP MLA
ઉન્નાવ જિલ્લાની પૂર્વા વિધાનસભા બેઠક પરથી ચૂંટાયેલા ભાજપના ધારાસભ્ય અનિલ સિંહે અધિકારીઓને ચેતવણી આપી છે કે, ધારાસભ્ય અનિલ સિંહ આવે ત્યારે ઊભા થઈ જવાનું. જો મારા આવ્યા પછી ઊભા થયા નથી તો તેમની સામે કાર્યવાહી કરવામાં આવશે. આટલેથી ઓછું હતું તો તેમણે મુકવામાં આવેલી ખુરશીઓમાં ધારાસભ્યની ખુરશીની ઉંચાઈને લઈને પણ વાંધો ઉઠાવ્યો છે. તેમણે કહ્યું કે અધિકારીઓની ખુરશીઓ ઊંચી છે અને ધારાસભ્યની નીચી છે. આવું તો નહીં ચાલે. તમારી ખુરશી કોઈ સભામાં ધારાસભ્યની ખુરશી કરતાં ઊંચી લેશો તો તેમને ઉથલાવી દઈશું.

‘MLA અનિલસિંહ આવે તો ઊભા થઈ જવાનું’- અધિકારીઓને પોતાનું જ નામ લઈ BJP ધારાસભ્યએ તતડાવી નાખ્યા, વીડિયો વાયરલ

યુપીના ઉન્નાવના પૂરવાના ભાજપના ધારાસભ્ય અનિલ સિંહે બેઠક આવતાં જ અધિકારીઓને ખખડાવતાં કહ્યું કે હું જ્યારે આવું ત્યારે તમારે ઊભા થઈ જવાનું.#VideoViral #UttarPradesh pic.twitter.com/ppT2LGhUdn

— Gujarat Tak (@GujaratTak) November 12, 2022

બીજા ધારાસભ્યોએ પણ કર્યો ટેકો
આ બેઠક ઉન્નાવના વિકાસભવન ઓડિટોરિયમમાં થઈ હતી. આ બેઠકમાં જિલ્લા પંચાયત પ્રમુખ શકુનસિંહની અધ્યક્ષતા હતી અને પંચાયતની બેઠક ચાલતી હતી. અનિલસિંહે આ બેઠકમાં ભાગ લીધો હતો. ઓડિટોરિયમમાં પ્રવેશતા જ તેઓએ મીટિંગમાં હાજર બધા જ અધિકારીઓને બેસેલા જોયા અને ત્યાં જ તેમનો પારો ઊપર ચઢ્યો. તેમણે તરત કહ્યું સાંભળો ભાઈ, અને પછી સ્થાનીક ભાષામાં તેમને ખુબ ખખડાવ્યા હતા. જોકે બીજા ધારાસભ્યોએ પણ અનિલ સિંહની વાતને ટેકો કર્યો છે. તેમણે પણ કહ્યું કે અધિકારીઓએ ધારાસભ્યના પ્રોટોકોલનું પાલન તો કરવું જોઈએ.