ભારતના પાડોશી મુસ્લિમ દેશમાં 45 કુરાનના પુસ્તક સળગાવી દેવાયા

બાંગ્લાદેશમાં કેમ સળગાવાઇ કુરાન?

બાંગ્લાદેશમાં કુરાન સિલહટ શહેરના સૌથી રૂઢીવાદી વિસ્તારમાંથી એક વિસ્તારમાં સળગાવવામાં આવી હતી. આ કામને બે લોકોએ મળીને અંજામ આપ્યો. પોલીસે બંન્ને આરોપીઓની ધરપકડ કરી લીધી છે. આરોપીઓએ પોલીસને જણાવ્યું કે, તેમને કુરાનની ડઝન કરતા વધારે પ્રતિઓ સળગાવી દીધી કારણ કે તે જુની હતી અને તેમાં છાપકામ દરમિયાન પણ કેટલીક ભુલચુક થઇ હતી.

આરોપીમાં મુસ્લિમ સ્કોલરોનો સમાવેશ

પોલીસ ઓફીસર અલી શેખે જણાવ્યું કે, આરોપીઓમાં એક શાળા પ્રિન્સિપાલ નરુર રહેમાનનો સમાવેશ થાય છે. બીજા આરોપીનું નામ મહેબુબ આલમ છે. પોલીસે કુરાનની સળગેલી 50 પ્રતિઓ જપ્ત કરી લીધી છે. કુરાનની સળગેલી પ્રતિઓ અંગે ઇસ્લામિક વિદ્ધાનનું કહેવું છે કે, તેનો હવે ઉપયોગ કરવામાં આવી શકે તેમ નથી તેથી સન્માનપુર્વક તેને નષ્ટ કરી દેવામાં આવવી જોઇએ.

બાંગ્લાદેશની 90 ટકા વસ્તી મુસ્લિમ છે

બાંગ્લાદેશની કુલ વસ્તી 17 કરોડ છે. જેમાં 90 ટકા મુસલમાન છે. બાકીના 10 ટકા વસતી હિંદુઓ અને ક્રિશ્ચિયનોની છે. ગત્ત મહિને જ સ્વીડન, ડેનમાર્ક જેવા યુરોપીયન દેશોમાં કુરાન સળગાવવાની ઘટનાથી સમગ્ર મુસ્લિમ વિશ્વમાં ભારે ગુસ્સો છે. આ વર્ષે સ્વીડનમાં સૌથી પહેલા જાન્યુઆરીમાં કુરાન સળગાવવાનો મામલો સામે આવ્યો હતો. ડેનમાર્કમાં એક દક્ષિણપંથી નેતાએ સ્વીડનની રાજધાની સ્ટોકહોમ ખાતે તુર્કી દુતાવાસ સામે એક પ્રતિ ફાડીને તેમાં આગ લગાવી દીધી હતી. જેના કારણે મુસ્લિમ દેશો ભારે નારાજ થયા હતા.