Ayodhya: સ્કોર્પિયો પર રેકી, મોટી ઘટનાનું પ્લાનિંગ… અયોધ્યામાંથી 3 શંકાસ્પદની ધરપકડ, ઘણા રહસ્યનો થયો ખુલાસો

Ram Mandir Ayodhya: UP ATSએ અયોધ્યામાંથી ત્રણ બદમાશોની ધરપકડ કરી છે. તેઓ ખાલિસ્તાની આતંકવાદી સંગઠનો સાથે સંબંધ ધરાવે છે. ત્રણેય રાજસ્થાનના રહેવાસી હોવાનું કહેવાય છે. ધરપકડ કરાયેલા આરોપીઓના નામ શંકર લાલ, અજીત કુમાર, પ્રદીપ પુનિયા છે. ત્રણેય પોતાની કારમાં શ્રી રામના ધ્વજ સાથે અયોધ્યાની મુલાકાત કરી રહ્યા હતા. ધરપકડ કરાયેલા આરોપી શંકરલાલે પૂછપરછ દરમિયાન આ ખુલાસો કર્યો છે.

શંકરલાલે પૂછપરછ દરમિયાન આ ખુલાસો કર્યો

શંકર લાલ કેનેડામાં હાજર ખાલિસ્તાની સમર્થક હરમિંદર ઉર્ફે લંડાના સંપર્કમાં હતો. હરમિન્દરે શંકરને કહ્યું હતું કે, ખાલિસ્તાની આતંકવાદી ગુરુપતવંતે અયોધ્યાની રેકી કરવાનું કહ્યું હતું. આ ઉપરાંત અયોધ્યાનો નકશો મોકલવાનો આદેશ પણ આપવામાં આવ્યો હતો. કેનેડામાં હાજર હરમિન્દર ઉર્ફે લંડાના કહેવા પર ત્રણેય અયોધ્યા પહોંચ્યા હતા.

શંકર લાલ રાજસ્થાનનો કુખ્યાત ગેંગસ્ટર

મળતી માહિતી મુજબ, શંકર લાલ રાજસ્થાનનો કુખ્યાત ગેંગસ્ટર છે અને તેની સામે ઘણા કેસ નોંધાયેલા છે. તે કેનેડામાં બેઠેલા ઘણા ગેંગસ્ટરોના સંપર્કમાં હતો જેઓ ખાલિસ્તાની આતંકવાદીઓ સાથે સંકળાયેલા છે. પોલીસ અને સુરક્ષા એજન્સીઓથી બચવા માટે આરોપીઓ તેમની સ્કોર્પિયોમાં શ્રી રામનો ધ્વજ લગાવીને અયોધ્યાની રેકી કરી રહ્યા હતા.

UP ATSને મળી મોટી સફળતા

અયોધ્યામાંથી આરોપીઓ ઝડપાયાના થોડા સમય બાદ જ શીખ ફોર જસ્ટિસના મુખ્ય આતંકવાદી ગુરપતવંત સિંહ પન્નુએ એક ઓડિયો જાહેર કરીને આરોપીઓને સમર્થન આપ્યું હતું. હવે UP ATSએ પણ શીખ ફોર જસ્ટિસ સાથેના કનેક્શનની તપાસ શરૂ કરી છે.

રેકી કરેલા ત્રણ લોકોની ઘરપકડ

પોલીસે જણાવ્યું કે અત્યાર સુધીની તપાસમાં સામે આવ્યું છે કે ત્રણેય શકમંદો ખાલિસ્તાની સમર્થક હરમિંદર સિંહ ઉર્ફે લંડાના સંપર્કમાં હતા. ગુરપતવંત સિંહ પન્નુના નજીકના સાથી હરમિન્દર સિંહ લાંડાએ ત્રણેય શકમંદોને અયોધ્યામાં તપાસ કરવા અને આસપાસના વિસ્તારનો નકશો મોકલવા કહ્યું હતું. રેકી પછી ત્રણેયને અયોધ્યામાં જ રોકાવું પડ્યું. ATSને ઈનપુટસ મળતા તેમણે તપાસ હાથ ધરી હતી. ત્રણેય પાસેથી હરિયાણા નંબરની સ્કોર્પિયો HR 51 BX 3753 મળી આવી હતી.