આઝાદીના પર્વ પર આતંકીઓનું નાપાક કૃત્ય, જમ્મુ-કાશ્મીરમાં પોલીસ કન્ટ્રોલ રૂમમાં હેન્ડ ગ્રેનેડ ફેંક્યો

પહેલા હુમલામાં સ્થાનિક વ્યક્તિ ઈજાગ્રસ્ત
પહેલા હુમલામાં બડગામના ગોપાલપરામાં આતંકીઓએ ગ્રેનેડથી હુમલો કર્યો. આ હુમલામાં એક નાગરિક ઈજાગ્રસ્ત થઈ ગયો. જેની ઓળખ કરણ કુમાર સિંહ તરીકે થઈ હતી. તેને શ્રીનગર સ્થિત હોસ્પિટલમાં સારવાર માટે એડમિટ કરવામાં આવ્યો છે. હાલમાં કરણ કુમારની હાલત સ્થિર હોવાનું જણાવાઈ રહ્યું છે.

#Terrorists hurled #grenade at Police Control Room Kashmir, resulting in minor injuries to one police personnel. Area #cordoned off. Further details shall follow.@JmuKmrPolice

— Kashmir Zone Police (@KashmirPolice) August 15, 2022

બાદમાં પોલીસ કન્ટ્રોલ રૂમ પણ ગ્રેનેડ ફેંક્યો
આ હુમલાના થોડા સમય બાદ આતંકીઓએ કાશ્મીરમાં પોલીસ કન્ટ્રોલ રૂમ પર ગ્રેનેડથી હુમલો કરી દીધો. જેમાં એક પોલીસકર્મી ઈજાગ્રસ્ત થઈ ગયો. બાદમાં પોલીસે સમગ્ર વિસ્તારની ઘેરાબંધી કરીને આતંકીઓની શોધખોળ શરૂ કરી દીધી છે.

#Terrorists hurled grenade in Gopalpora Chadoora area of #Budgam in which one civilian namely Karan Kumar Singh got injured. He has been shifted to Srinagar hospital for treatment where his condition is stated to be stable. Area #cordoned off. Further details shall follow.

— Kashmir Zone Police (@KashmirPolice) August 15, 2022

આ પહેલા જ હેન્ડ ગ્રેનેડથી હુમલો કર્યો હતો
નોંધનીય છે કે, પાછલા કેટલાક દિવસોમાં શ્રીનગર અને જમ્મુ-કાશ્મીરના અન્ય જિલ્લામાં આ પ્રકારની આ પહેલી ઘટના નથી. આ મહિનાની જ ચાર તારીખે જમ્મુ-કાશ્મીરના પુલવામામાં આતંકી હુમલામાં એક પ્રવાસી મજૂરનું મોત થઈ ગયું હતું. જ્યારે અન્ય બે લોકો ઈજાગ્રસ્ત થઈ ગયા હતા. જેમાં પોલીસે જણાવ્યું હતું કે આતંકીઓએ હેન્ડ ગ્રેનેડથી હુમલો કર્યો હતો. ત્યારે આજે ફરી એકવારે આ પ્રકારનો હુમલો કરવામાં આવ્યો છે.