‘મારી સાથે દગો થયો છે’, તુનિશા આપઘાત કેસમાં ‘ખાસ મિત્ર’ શીઝાન ખાનને લઈને થયો ચોંકાવનારો ખુલાસો

10 દિવસ પહેલા તુનિશાને હોસ્પિટલમાં એડમિટ કરવી પડી હતી
તુનિશાના ચાચાએ 10 દિવસ પહેલા બનેલી ઘટનાનો ઉલ્લેખ કરતા કહ્યું કે, અલીબાબા શરૂ થતા જ તુનિશા અને શીઝાન એકબીજાના નિકટ આવી ગયા હતા. લગભગ 10 દિવસ પહેલા તુનિશાને એક્ઝાઈટી એટેક પણ આવ્યો હતો. આ બાદ તેને હોસ્પિટલમાં એડમિટ કરાવાઈ હતી. જ્યારે હું અને તેની માતા મળવા પહોંચ્યા તો તુનિશાએ જણાવ્યું કે તેની સાથે ખોટું થયું છે. તેને દગો આપવામાં આવ્યો છે.

તુનિશાએ માતાને કરી હતી મનની વાત
અમને અંદાજો આવી ગયો હતો કે બંને વચ્ચે કંઈક તો ગરબડ છે. તેની માતાએ પૂછ્યું કે જો સંબંધ નહોતો રાખવો જો નજીક આવવાની શરૂ જરૂર હતી? અમે કહીએ છીએ કે મામલામાં જે પણ દોષી હોય તેમને સજા મળવી જોઈએ.’ કાકાએ એમ પણ જણાવ્યું કે, તુનિશાના માસી ઈંગ્લેન્ડમાં છે. આથી તેમના આવ્યા બાદ 27 ડિસેમ્બરે તુનિશાના અંતિમ સંસ્કાર કરવામાં આવશે.

20 વર્ષની ઉંમરે તુનિશાએ કર્યો આપઘાત
નોંધનીય છે કે, 24 ડિસેમ્બરે સાંજે 20 વર્ષની તુનિશા શર્મા TV સીરિયલના સેટ પર હતી. તે વોશરૂમ માટે મેકઅપ રૂમમાં પહોંચી અને અંદરથી દરવાજો બંધ કરીને ફાંસો ખાઈ લીધો હતો. બાદમાં તુનિશાનો કો-સ્ટાર અને મિત્ર શીઝાન ગેટ તોડીને અંદર પહોંચ્યો અને તુનિશાને નીચે ઉતારી હતી. ઘટના પર તુનિશાની માતાએ આપઘાત માટે શીઝાનને જવાબદાર ગણાવ્યો હતો.