જમ્મુ-કાશ્મીરના પૂંછમાં આતંકીઓએ સેનાની ગાડી પર ગોળીઓ વરસાવી, 5 જવાન શહીદ થયા

બપોરે આતંકીઓએ ગાડી પર ગોળીબાર કર્યો
સેના તરફથી કહેવામાં આવી રહ્યું છે કે, આજે લગભગ બપોરે 3 વાગ્યે રાજૌરી સેક્ટરમાં ભીમબેર ગલી અને પૂંછ વચ્ચે હાઈવે પરથી પસાર થઈ રહેલા સેનાના એક વાહન પર અજ્ઞાત આતંકવાદીઓએ ગોળીબારી કરી. આતંકવાદીઓએ કદાચ ગ્રેનેડનો પણ ઉપયોગ કર્યો, જેના કારણે વાહનમાં આગ લાગી ગઈ. ભારે વરસાદ અને ઓછી વિઝિબિલિટીનો ફાયદો ઉઠાવતા આ આતંકી હુમલો થયો.

1 જવાબ ગંભીર રીતે ઈજાગ્રસ્ત
આ વિસ્તારમાં કાઉન્ટર ટેરરિસ્ટ ઓપરેશન માટે તૈનાત રાષ્ટ્રીય રાઈફલ્સ યુનિટના પાંચ જવાન આ ઘટનામાં શહીદ થઈ ગયા. જ્યારે અન્ય એક જવાન ગંભીર રીતે ઈજાગ્રસ્ત થઈ ગયો. જેને રાજૌરીની આર્મી હોસ્પિટલમાં સારવાર માટે લઈ જવાયો છે. આતંકીઓની શોધખોળમાં સર્ચ ઓપરેશાન ચલાવાયું છે.