મિડલ-ઇસ્ટના ક્ષેત્રમાં ફ્લાઇટના GPS સિગ્નલ સાથે છેડછાડ, DGCA દ્વારા સર્કુલર જાહેર કર્યું

મધ્ય પૂર્વમાં સિગ્નલ ટેમ્પરિંગ

DGCAએ આ અંગે એરલાઈન્સને એલર્ટ કરતા એડવાઈઝરી જારી કરી છે. કેટલીક નાગરિક ફ્લાઇટ્સ મધ્ય પૂર્વના ભાગોમાં સિગ્નલ વિના ઉડતી હોય છે. DGCAએ જણાવ્યું હતું કે, “ઉડ્ડયન ઉદ્યોગ નવા જોખમોનો સામનો કરી રહ્યું છે. નેવિગેશન સિસ્ટમથી જે ખતરો ઉભો થયો છે તેને રોકવાના પ્રયાસો કરવામાં આવી રહ્યા છે.”

DDCA દ્વારા બહાર પાડવામાં આવેલ પરિપત્ર તમામ ફ્લાઈટ્સ ઓપરેટરો અને ANSP એરપોર્ટ ઓથોરિટી ઓફ ઈન્ડિયાને લાગુ પડે છે. સપ્ટેમ્બરના અંતમાં, ઈરાન નજીકની ઘણી કોમર્શિયલ ફ્લાઈટ્સની નેવિગેશન સિસ્ટમ્સ બંધ થઈ ગઈ હતી. એક ફ્લાઇટ સ્પુફિંગનો ભોગ બની હતી અને પરવાનગી વિના ઈરાની એરસ્પેસમાં પ્રવેશી હતી.

સ્પુફિંગ કેવી રીતે કામ કરે છે?

મધ્ય પૂર્વના ભાગોમાંથી ઉપડતી ફ્લાઇટ્સ પ્રથમ નકલી GPS સિગ્નલ મેળવે છે. આ સિગ્નલ ફ્લાઈટ્સને ડાયવર્ટ કરે છે, જ્યાં તેમને જવાની જરૂર હોય ત્યાંથી માઈલ દૂર લઈ જાય છે. આ સિગ્નલ એટલું મજબૂત છે કે તે વિમાનની સિસ્ટમને અસર કરે છે.

એવું માનવામાં આવે છે કે જે વિસ્તારોમાં યુદ્ધ થઈ રહ્યું છે ત્યાં લશ્કરી ઈલેક્ટ્રોનિક સિસ્ટમની જમાવટને કારણે જામિંગ અને સ્પુફિંગ થઈ રહ્યું છે.

DGCA પ્રેસ રિલીઝ

ડિરેક્ટોરેટ જનરલ ઓફ સિવિલ એવિએશન (DGCA) એ શુક્રવારે એક રિલીઝમાં જણાવ્યું હતું કે તેણે એરસ્પેસમાં GNSS હસ્તક્ષેપ અંગે એક પરિપત્ર જારી કર્યો છે. સામાન્ય રીતે, GNSS ને જામ કરવો અથવા સ્પૂફિંગ કરવાનો અર્થ છે ખોટા સિગ્નલો આપીને વપરાશકર્તાની નેવિગેશન સિસ્ટમ સાથે ચેડા કરવાનો પ્રયાસ.