સરેંડર, સજા કે દંડ? એડલ્ટ સ્ટારને સીક્રેટ પેમેન્ટ કેસમાં આજે ટ્રમ્પની પેશી

ગુનાહિત ટ્રાયલનો સામનો કરનારા પ્રથમ રાષ્ટ્રપતિ
આ પહેલા ટ્રમ્પ (76)એ તેમના સોશિયલ મીડિયા પ્લેટફોર્મ પર કહ્યું હતું કે, “હું સોમવારે બપોરે 12 વાગ્યે ન્યૂયોર્ક માટે માર-એ-લાગોથી રવાના થઈશ. માનો કે ના માનો, હું મંગળવારે સવારે કોર્ટમાં જઈશ. અમેરિકાએ આવું ન્હોતું થવું હતું.” ટ્રમ્પ મંગળવારે કોર્ટમાં હાજર થશે. મંગળવારની સુનાવણી દરમિયાન ગુનાહિત ટ્રાયલનો સામનો કરનારા તેઓ પ્રથમ રાષ્ટ્રપતિ છે. જોકે ટ્રમ્પે એડલ્ટ સ્ટાર સ્ટોર્મી ડેનિયલ્સ (44)ને પૈસા આપવાના આરોપોને નકારી કાઢ્યા છે.

DELHI METRO: એક યુવતી માત્ર નાનકડો રૂમાલ પહેરીને મેટ્રોમાં પહોંચી, ઉર્ફી જાવેદ કરતા પણ ટુંકા કપડા

ધરપકડથી બચવા સરેંડર પણ કરી શકે
ટ્રમ્પ મંગળવારે બપોરે 2.15 વાગ્યે (ભારતીય સમય અનુસાર રાત્રે 11.45 વાગ્યે) ન્યાયાધીશ જુઆન માર્ચેન સમક્ષ હાજર થશે. જોકે, ટ્રમ્પના વકીલોનું કહેવું છે કે તેમના ક્લાયન્ટને દોષિત ઠેરવવામાં આવશે નહીં. કોર્ટમાં હાજર થયા બાદ ટ્રમ્પ ફ્લોરિડા પરત ફરશે, જ્યાં તેઓ મંગળવારે રાત્રે પોતાના નિવાસસ્થાને લોકોને સંબોધિત કરશે. અમેરિકાના પૂર્વ રાષ્ટ્રપતિ ડોનાલ્ડ ટ્રમ્પ એડલ્ટ સ્ટાર સ્ટોર્મી ડેનિયલ્સને આપવામાં આવેલી રકમને લઈને ઘેરાયા છે. એવું પણ કહેવામાં આવી રહ્યું છે કે આ કેસમાં ધરપકડથી બચવા માટે ટ્રમ્પ સરેન્ડર પણ કરી શકે છે.

ડોનાલ્ડ ટ્રમ્પ કયા કેસમાં ફસાયા છે?
હાલમાં ડોનાલ્ડ ટ્રમ્પ જે કેસમાં સંડોવાયેલા છે તે 2016માં રાષ્ટ્રપતિ બન્યા તે પહેલાનો છે. આરોપ છે કે ટ્રમ્પે એડલ્ટ સ્ટારને મોં બંધ રાખવા અને તેની સાથે અફેર હોવાની વાતને સાર્વજનિક ન કરવા માટે $1.30 લાખ ચૂકવ્યા હતા. એડલ્ટ સ્ટાર સ્ટોર્મીએ આરોપ લગાવ્યો છે કે નેવાડામાં સેલિબ્રિટી ગોલ્ફ ટુર્નામેન્ટ દરમિયાન ટ્રમ્પે તેણીને હોટલના રૂમમાં આમંત્રિત કરી હતી અને તેણીને ટીવી સ્ટાર બનાવવાનું વચન આપ્યું હતું.

જુનિયર ક્લાર્કના ઉમેદવારને પરીક્ષા કેન્દ્ર સુધી પહોંચવાની સમસ્યા હતી, હર્ષ સંઘવીએ 2 કલાકમાં લાવી દીધો ઉકેલ

રાષ્ટ્રપતિ ટ્રમ્પના તત્કાલિન વકીલ માઈકલ કોહેને અમેરિકન રાષ્ટ્રપતિની ચૂંટણીના એક મહિના પહેલા ઓક્ટોબર 2016માં એડલ્ટ સ્ટાર સ્ટોર્મીને આ મોટી રકમ ચૂકવી હતી. ત્યાં સુધી બધું બરાબર હતું અને તે કાયદેસર રીતે કોઈપણ ગુનાની શ્રેણીમાં આવતું નથી, પરંતુ જ્યારે ડોનાલ્ડ ટ્રમ્પે વકીલ કોહેનને તે ચૂકવ્યું, ત્યારે તે તેની કાનૂની ફી તરીકે દર્શાવવામાં આવી હતી. આને દસ્તાવેજ સાથે છેડછાડનો મામલો ગણવામાં આવે છે અને તે ન્યૂયોર્કમાં મોટો ગુનો છે. માઈકલ કોહેન, જે ટ્રમ્પના વકીલ હતા, તેણે સ્વીકાર્યું છે કે તેણે ટ્રમ્પના કહેવા પર આ ગુનો કર્યો હતો.

શું ટ્રમ્પ 2024ની ચૂંટણી લડી શકે છે?
હા. અમેરિકન બંધારણ તેમને આ જાણવામાં મદદ કરશે. બંધારણ મુજબ, જો ટ્રમ્પને એડલ્ટ સ્ટાર કેસમાં દોષિત/દંડ કરવામાં આવે તો પણ તેમના રાષ્ટ્રપતિની ચૂંટણી લડવા પર કોઈ અસર થશે નહીં. ટ્રમ્પ 2024ની રાષ્ટ્રપતિ ચૂંટણી માટે તેમનું ઔપચારિક અભિયાન ચાલુ રાખી શકે છે. યુએસ બંધારણ મુજબ, અમેરિકામાં જન્મેલ કોઈપણ વ્યક્તિ જે ઓછામાં ઓછી 35 વર્ષની છે અથવા ઓછામાં ઓછા 14 વર્ષથી યુએસ નાગરિક છે તે રાષ્ટ્રપતિની ચૂંટણી લડી શકે છે. નિષ્ણાતોના મતે, ટ્રમ્પને જેલમાં હોવા છતાં ફોજદારી આરોપોનો સામનો કરીને રાષ્ટ્રપતિ પદની ઝુંબેશ ચાલુ રાખવા માટે કોઈ કાનૂની અવરોધ નથી.

ભરૂચમાં પતિ સાથે અણબનાવ થતા જનેતાએ સગી દીકરીનું ગળું દબાવી દીધું, ડોક્ટરની ચાલાકીથી પકડાઈ ગઈ

કોણ છે સ્ટોર્મી ડેનિયલ્સ
એડલ્ટ ફિલ્મ સ્ટાર સ્ટોર્મી ડેનિયલ્સનું સાચું નામ સ્ટેફની ગ્રેગરી ક્લિફોર્ડ છે. તેનો જન્મ 17 માર્ચ, 1979ના રોજ લ્યુઇસિયાનામાં થયો હતો. સ્ટોર્મી લ્યુઇસિયાનામાં મોટી થઈ અને પૈસા કમાવવા માટે હાઈસ્કૂલ દરમિયાન સ્ટ્રીપ ક્લબમાં કામ કરવાનું શરૂ કર્યું. બાળપણમાં જ તેના માતા-પિતાએ છૂટાછેડા લીધા હતા અને પછી તેનો ઉછેર તેની માતાએ કર્યો હતો. એક રિપોર્ટ અનુસાર નવ વર્ષની ઉંમરે સ્ટોર્મીનું એક મોટી ઉંમરના વ્યક્તિ દ્વારા યૌન શોષણ કરવામાં આવ્યું હતું. વર્ષ 2000માં સ્ટોર્મી મુખ્ય સ્ટ્રીપ ડાન્સર બની ગઈ હતી. આ દરમિયાન તેની મુલાકાત ડેવોન મિશેલ સાથે થઈ હતી. મિશેલ જ તેને એડલ્ટ ફિલ્મોમાં લઈ ગઈ અને તે પછી ડેનિયલ્સની એડલ્ટ ફિલ્મ અમેરિકન ગર્લ્સ 2 આઈ. સ્ટોર્મીએ ઘણા પ્રખ્યાત મેગેઝીન માટે શૂટિંગ કર્યું છે. જેમાં પ્લેબોય, હસ્ટલર, પેન્ટહાઉસ, હાઈ સોસાયટી, જીક્યુ અને એફએચએમનો સમાવેશ થાય છે.

ટ્રમ્પ અને સ્ટોર્મીની વાર્તા વર્ષ 2006માં શરૂ થાય છે. આ વર્ષના ઉનાળામાં નેવાડામાં ચેરિટી આધારિત સેલિબ્રિટી ગોલ્ફ ટુર્નામેન્ટ યોજાઈ હતી. અહીં ટ્રમ્પ એડલ્ટ સ્ટાર સ્ટોર્મી ડેનિયલને મળ્યા હતા. એક રિપોર્ટ અનુસાર, ટ્રમ્પે ટૂર્નામેન્ટ બાદ સ્ટોર્મીને પોતાના હોટેલ સ્યૂટમાં આમંત્રિત કરી હતી. જ્યારે અભિનેત્રી રૂમમાં પહોંચી તો ટ્રમ્પે તેને ટીવી પરના શોમાં લાવવાનું વચન આપ્યું હતું.

CSKvsLSG IPL 2023: ધોનીની યુવા ખેલાડીઓને શરમાવે તેવી ફિટનેસથી મેચ અને દિલ બધુ જ જીતી

સ્ટોર્મીનું કહેવું છે કે આ દરમિયાન બંનેએ શારીરિક સંબંધ બાંધ્યો હતો. તે સમયે ટ્રમ્પની ઉંમર 60 વર્ષની હતી અને સ્ટોર્મીની ઉંમર 27 વર્ષની હતી. જોકે ટ્રમ્પે હંમેશા સ્ટોર્મી ડેનિયલ્સના દાવાને નકારી કાઢ્યા છે. આ પછી, 2016ની ચૂંટણી પહેલા, તેણે તેના વકીલ માઇકલ કોહેન દ્વારા, તેણે સ્ટોર્મી ડેનિયલ્સને $ 1.30 લાખની રકમ ચૂકવી અને તેને મોં બંધ રાખવા કહ્યું.