‘હું રમવા આવી રહ્યો છું…’ IPL 2023 પહેલા રિષભ પંતના વાઈરલ વીડિયોએ ધૂમ મચાવી

વીડિયોમાં શું કહે છે પંત?
વાયરલ વીડિયોમાં પંત કહેતો જોવા મળે છે કે, ‘હું બે વસ્તુઓ વિના જીવી શકતો નથી… ક્રિકેટ અને ફૂડ. હવે હું છેલ્લા બે મહિનાથી ક્રિકેટ રમી શક્યો નથી પરંતુ ડોક્ટરે કહ્યું હતું કે રિકવરી માટે ફૂડ સૌથી સારું ખાવાનું રાખજે.

તેણે આગળ કહ્યું, ‘પછી ધીમે ધીમે બધા પોતાની પ્રેક્ટિસમાં વ્યસ્ત થઈ ગયા કારણ કે ક્રિકેટ સીઝન શરૂ થવાની હતી. પછી મને લાગ્યું કે દરેક જણ રમે છે તો હું કેમ ન રમું…. એવું લાગે છે કે હું હજુ પણ ગેમમાં બોસ છું… હું રમવા આવું છું.’ આ વિડિયો પોસ્ટ કરતાં પંતે લખ્યું, ‘આ કમબેકનો સમય છે’.

It's time for a comeback 💪 #RishabhIsBack @zomato

…#Ad #PaidPartnership pic.twitter.com/N2whFvsNdw

— Rishabh Pant (@RishabhPant17) March 29, 2023

લાંબા સમયથી ક્રિકેટથી દૂર છે પંત
નોંધનીય છે કે, દિલ્હીથી રૂરકી જતા સમયે ભયાનક અકસ્માત બાદ પંત લાંબા સમયથી ક્રિકેટથી દૂર છે. તે આગામી IPL સિઝનમાં પણ દિલ્હી કેપિટલ્સ તરફથી નહીં રમે. તેના સ્થાને અભિષેક પોરેલને ટીમમાં સામેલ કરવામાં આવ્યો છે, જ્યારે કેપ્ટનશિપની જવાબદારી ડેવિડ વોર્નરને સોંપવામાં આવી છે. દિલ્હી કેપિટલ્સ IPL 2023ની તેમની પ્રથમ મેચ શનિવારે લખનૌ સુપર જાયન્ટ્સ સામે રમશે.