સંસદમાં રાઘવ ચડ્ઢાનો શાયરાના અંદાજ, અમિત શાહને અડવાણીવાદી બનવાની સલાહ આપી

દિલ્હી સેવા બિલને આજે રાજ્યસભામાં રજુ કરવામાં આવ્યું તેના વિરોધમાં AAP સાંસદ રાઘવ ચઢ્ઢા બોલવા માટે ઉઠ્યા તો તેમણે ભાજપ સરકાર પર નિશાન સાધ્યું. રાજ્યસભામાં રાઘવ ચઢ્ઢાએ શાયરાના અંદાજમાં સરકાર પર નિશાન સાધ્યું હતું. દિલ્હી સેવા બિલનું સમર્થન કરનારાઓ પર હુમલો કરતા તેમણે કહ્યું કે, अगर खिलाफ हैं तो होने दो, जान थोड़ी हैं, ये सब धुआं है, कोई आसमान थोड़ी है, लगेगी आग तो आएंगे घर कई जद में, यहां पे सिर्फ हमारा मकान थोड़ी है.’

AAP સાંસદ રાઘવ ચઢ્ઢાએ રાજ્યસભામાં દિલ્હી સર્વિસ બિલ પર બોલતા કહ્યુ કે, આ રાજનૈતિક ધોખેબાજી છે. તેમણે કહ્યું કે, એક સમય પણ હતો જ્યારે ભારતીય જનતા પાર્ટીએ પોતે દિલ્હીને પુર્ણ રાજ્યનો દરજ્જો અપાવવાની માંગ કરી હતી. તેઓએ કહ્યું કે, એક સમય એવો હતો કે અટલ બિહારી વાજયેપી સરકારમાં ઉપપ્રધાનમંત્રી રહેલા લાલકૃષ્ણ અડવાણી પોતે આ સદનમાં કોનસ્ટીટ્યુશન અમેડમેન્ટ બિલ 2003 લાવ્યા હતા. જેમાં કે દિલ્હીને પુર્ણ રાજ્યનો દરજ્જો આપવાની માંગ હતી. ત્યાર બાદ 2013 ની પોતાના ચૂંટણી ઢંઢેરામાં પણ ભાજપે કહ્યું કે, અમે દિલ્હીને પુર્ણ રાજ્યનો દરજ્જો અપાવીશું.

રાઘવ ચડ્ડાએ અમિત શાહે લોકસભામાં આપેલા નિવેદન પર વળતો પ્રહાર કર્યો. શાહે લોકસભામાં પંડિત જવાહરલાલ નેહરૂના નિવેદનને દોહરાતના દિલ્હીને પુર્ણ રાજ્યનો દરજ્જો આપવાનો વિરોધ કર્યો હતો. આ નિવેદન અંગે વળતોપ્રહાર કરતા રાઘવ ચડ્ઢાએ ગૃહમંત્રીને સલાહ આપી કે તમે નેહરૂ વાદી ન બનો પરંતુ અડવાણીવાદી તો બનો. જેમણે દિલ્હીને પુર્ણ રાજ્યનો દરજ્જો અપાવવા માટેની માંગ ઉઠાવી હતી. ચડ્ઢાએ કહ્યું કે, ભાજપના જુના નેતાઓએ 40 વર્ષો સુધી દિલ્હીને પુર્ણ રાજ્યનો દરજ્જો અપાવવા માટેની માંગ કરી પરંતુ આજના નેતાઓએ આ સંપુર્ણ સંઘર્ષને માટીમાં મિલાવી દેવાનું કામ કર્યું છે.