હાથ જોડીને કહેતો હતો ‘મેં ચોરી નથી કરી’- મોડાસા પોલીસની કસ્ટડીમાં થયું મોત

હિતેશ સુતરિયા. મોડાસાઃ આપણે ત્યાં ગરીબની જીંદગીની કિંમત કેટલી? આ બાબતના સવાલનો જવાબ આપને કદાચ આ ઘટના પરથી જાતે જ મળી જશે. અહીં મોડાસામાં એક ગરીબ વ્યક્તિને પોલીસે ચોરીના ગુનામાં પકડ્યો હતો. આ વ્યક્તિને પોલીસની કસ્ટડીમાં ખેંચ આવી હોવાની કહાની સામે આવી રહી છે. જોકે કહાનીમાં એવી પણ વાત સામે આવી રહી છે કે આ વ્યક્તિને દસ કલાકના સમયમાં બે વખત ખેંચ આવી હતી. જે પછી તેને હોસ્પિટલ લઈ જવાયો ત્યાં તપાસતા જ ડોક્ટરે તેને મૃત જાહેર કર્યો હતો. અહીં સવાલ એ ઊભો થાય છે કે આ વ્યક્તિને પહેલી વખત ખેંચ આવી અને બીજી વખત ખેંચ આવી તેમાં દસ કલાકનો સમય હતો તો સારવાર કરનારા તબીબો પણ કેટલા ભણેલા ગણવા કે તેમને આ વ્યક્તિ સ્વસ્થ થઈ ગયો હોવાનો અભિપ્રાય પોલીસને આપ્યો અને તેને પાછો કસ્ટડીમાં લેવામાં આવ્યો? પોલીસે પણ તેને ચોરીના ગુનામાં પકડતા પહેલા કેટલા પુરાવાની ચકાસણી કરી અને આરોપ ઘડ્યા હશે?