‘પોલીસે અમને ભીડની સાથે છોડી દીધા, પછી…’, મણિપુરમાં ટોળાના અત્યાચારનો ભોગ બનેલી યુવતીની આપવીતી

પીડિતોમાંની એક મહિલાએ ગુરુવારે (20 જુલાઈ) ધ ઈન્ડિયન એક્સપ્રેસને જણાવ્યું કે, તેને પોલીસ દ્વારા ટોળાને સોંપવામાં આવી હતી. આ ઘટનામાં ત્રણ મહિલાઓ પર અત્યાચાર ગુજારવામાં આવ્યો છે. આમાંથી એક મહિલા 20 વર્ષની છે, બીજી 40 વર્ષની છે અને ત્રીજી મહિલા 50 વર્ષની છે. મહિલાએ આક્ષેપ કર્યો હતો કે પોલીસ અમારા ગામ પર હુમલો કરી રહેલા ટોળાની સાથે હતી. પોલીસે અમને ઘરની નજીકથી ઉપાડ્યા અને ગામથી થોડે દૂર લઈ ગયા અને અમને ટોળા સાથે રસ્તા પર છોડી દીધા. પોલીસે તેમને તે ઉપદ્રવિઓના હવાલે કરી દીધા હતા.

મણિપુર પીડિતાએ તેની આપવીતી સંભળાવી
તેણે કહ્યું કે, અમે પાંચ લોકો હતા. જેમાંથી બેની હત્યા કરવામાં આવી હતી. આ પછી ટોળાએ અમારી સાથે અત્યાચાર કર્યો. પછી કોઈક રીતે અમે ત્યાંથી નાસી છૂટ્યા. તેણે એ પણ કહ્યું કે, તેને આ વાયરલ વીડિયોની જાણ નથી કારણ કે અહીં ઈન્ટરનેટ કામ કરતું નથી. મહિલાએ વધુમાં કહ્યું કે ભીડમાં ઘણા લોકો સામેલ હતા, પરંતુ તે તેમાંથી કેટલાકને ઓળખે છે. આમાં મહિલાના ભાઈનો મિત્ર પણ સામેલ હતો.

નિર્વસ્ત્ર કરીને પરેડ કરાવી, ગેંગરેપ કર્યો
આ ઘટનાના વાયરલ વીડિયોમાં મહિલાઓ ભીડ દ્વારા નિર્વસ્ત્ર હાલતમાં પરેડ કરતી જોવા મળી રહી છે. કેટલાક લોકો બે મહિલાઓને ખેતર તરફ ખેંચી જતા અને બળજબરીથી છેડતી કરતા જોઈ શકાય છે. 18 મેના રોજ નોંધાયેલી એફઆઈઆરમાં પીડિતોએ એવો પણ આરોપ લગાવ્યો હતો કે પીડિતાઓમાં સૌથી નાની 20 વર્ષની મહિલા સાથે પણ સામૂહિક બળાત્કાર કરવામાં આવ્યો હતો.

ટોળાએ ગામમાં હુમલો કર્યો
ફરિયાદમાં તેણે જણાવ્યું હતું કે, 4 મેના રોજ તેના ગામ બી.ફાઈનોમ પર ટોળાએ હુમલો કર્યો હતો. લોકોના ઘરો સળગાવવામાં આવ્યા અને લૂંટફાટ કરવામાં આવી. જે બાદ તેઓ પોતાનો જીવ બચાવવા જંગલમાં ભાગી ગયા હતા. બાદમાં થૌબલ પોલીસે તેમને બચાવી લીધા અને પોલીસ સ્ટેશન લઈ જઈ રહ્યા હતા, પરંતુ ટોળાએ તેમને રસ્તામાં અટકાવી દીધા અને પોલીસ સ્ટેશનથી લગભગ બે કિલોમીટર દૂર પોલીસ કસ્ટડીમાંથી તેમની સાથે લઈ ગયા.

ક્રૂરતાનો વિરોધ કરતાં પિતા-ભાઈની હત્યા
આ પછી ટોળાએ પહેલા મહિલાના પિતા અને પછી તેના ભાઈને માર માર્યો હતો. પિતા-ભાઈએ મહિલા સાથે થઈ રહેલી અત્યાચારનો વિરોધ કર્યો હતો. એટલા માટે ટોળાએ તેમને નિર્દયતાથી મારી નાખ્યા. ત્યારબાદ ત્રણેય મહિલાઓને નગ્ન કરીને પરેડ કરવામાં આવી હતી. આ દરમિયાન તેમની છેડતી, બળાત્કાર ગુજારવામાં આવ્યો હતો.

અત્યાર સુધીમાં ચાર આરોપીઓની ધરપકડ કરવામાં આવી છે
આ ઘટનાનો વીડિયો સામે આવ્યા બાદ સમગ્ર દેશમાં ગુસ્સો જોવા મળ્યો હતો. આ મામલે કાર્યવાહી કરતા મણિપુર પોલીસે ગુરુવારે સવારે ઘટનાના મુખ્ય આરોપીની ધરપકડ કરી હતી. જેની ઓળખ હુઈરેમ હેરોદાસ મેઈટી (32 વર્ષ) તરીકે થઈ હતી. આ પછી રાત સુધી વધુ ત્રણ આરોપીઓની ધરપકડ કરવામાં આવી હતી. આ રીતે આ કેસમાં અત્યાર સુધીમાં કુલ 4 લોકોની ધરપકડ કરવામાં આવી છે.

શું કહ્યું મુખ્યમંત્રી એન બિરેન સિંહે?
રાજ્યના મુખ્યમંત્રી એન.બિરેન સિંહે આ ઘટનાને અમાનવીય ગણાવી અને કહ્યું કે દોષિતોને ફાંસીની સજા મળવી જોઈએ. તેમણે કહ્યું કે, આ માનવતા વિરુદ્ધ ગુનો છે અને તેમની સરકાર આ જઘન્ય અપરાધ પર મૌન નહીં રહે. ઘટનામાં સંડોવાયેલા અન્ય ગુનેગારોને પકડવા માટે વ્યાપક સર્ચ ઓપરેશન હાથ ધરવા સૂચના આપવામાં આવી છે.

રાજ્યપાલે આ સૂચના આપી હતી
આ ઘટનાના સંદર્ભમાં, મણિપુરના રાજ્યપાલ અનુસુયા ઉઇકે ગુરુવારે રાજ્યના ડીજીપીને મળ્યા હતા અને તમામ આરોપીઓની વહેલી તકે ધરપકડ કરવા અને પીડિતોને સુરક્ષા આપવાનો નિર્દેશ આપ્યો હતો. આ સાથે તેમણે ડીજીપીને પૂછ્યું કે જે પોલીસ સ્ટેશનમાં આ ઘટનાની ફરિયાદ નોંધાઈ છે ત્યાં કાર્યવાહી શા માટે કરવામાં આવી નથી. તેમણે કહ્યું કે દરેકે એક મંચ પર બેસીને પોતાની માંગણીઓ રજૂ કરવી જોઈએ, વાતચીત દ્વારા જ ઉકેલ મળી શકે છે. હિંસાથી કોઈને ફાયદો થતો નથી.

પીએમ મોદીએ નિવેદન આપ્યું હતું
સંસદના ચોમાસુ સત્રની શરૂઆત પહેલા પીએમ મોદીએ કહ્યું કે મણિપુરની દીકરીઓ સાથે જે થયું છે. તેમના ગુનેગારોને ક્યારેય માફ કરી શકાય નહીં. મારું હૃદય પીડાથી ભરેલું છે, ક્રોધથી ભરેલું છે. આ ઘટના કોઈપણ સંસ્કારી સમાજને શરમાવે તેવી છે.

વડાપ્રધાને કહ્યું કે, પાપ કરનારા, ગુનો કરનારા કેટલા છે, અને કોણ કોણ છે, તે પોતાની જગ્યાએ છે, પરંતુ સમગ્ર દેશનું અપમાન થઈ રહ્યું છે. 140 કરોડ દેશવાસીઓ શરમ અનુભવી રહ્યા છે. હું દેશવાસીઓને ખાતરી આપવા માંગુ છું કે કોઈ પણ ગુનેગારને છોડવામાં આવશે નહીં.

સુપ્રીમ કોર્ટ કડક બની
આ મામલાની સુઓ મોટુ સંજ્ઞાન લેતા સુપ્રીમ કોર્ટે કેન્દ્ર અને રાજ્ય સરકારો પાસેથી જવાબ પણ માંગ્યો હતો. CJI DY ચંદ્રચુડે કહ્યું કે, હિંસા માટે મહિલાઓનો ઉપયોગ કોઈપણ બંધારણીય લોકશાહીમાં સંપૂર્ણપણે અસ્વીકાર્ય છે. મણિપુરમાં જે રીતે બે મહિલાઓની પરેડ કરવામાં આવી છે તેનો વીડિયો જોઈને અમે ખૂબ જ વ્યથિત છીએ.

CJIએ વધુમાં કહ્યું કે, મને લાગે છે કે સરકાર માટે ખરેખર આગળ આવવાનો અને પગલાં લેવાનો સમય આવી ગયો છે કારણ કે આ સંપૂર્ણપણે અસ્વીકાર્ય છે. અમે સરકારને કાર્યવાહી કરવા માટે થોડો સમય આપીશું અને જો ગ્રાઉન્ડ લેવલ પર કંઈ નહીં થાય તો અમે પગલાં લઈશું. કોર્ટે આ મામલે આગામી સુનાવણી માટે 28 જુલાઈની તારીખ નક્કી કરી છે.

સંસદમાં હંગામો
આ ઘટનાને લઈને સંસદના બંને ગૃહોમાં ભારે હોબાળો થયો હતો. સંસદનું ચોમાસુ સત્ર ગુરુવારથી જ શરૂ થઈ ગયું છે. વિરોધ પક્ષોએ મુખ્યમંત્રી એન. બિરેન સિંહને હટાવવા અને રાજ્યમાં રાષ્ટ્રપતિ શાસન લાદવાની માંગ કરી છે. મણિપુરમાં વિરોધ માર્ચ પણ કાઢવામાં આવી હતી.

મણિપુરમાં જાતિય હિંસા
નોંધનીય છે કે મણિપુરમાં કુકી અને મૈતઈ સમુદાયો વચ્ચે બે મહિનાથી વધુ સમયથી જાતિય હિંસા ચાલી રહી છે. જેમાં અત્યાર સુધીમાં 150 થી વધુ લોકોએ જીવ ગુમાવ્યા છે. સેંકડો ઘરો બળી ગયા છે અને હજારો લોકો બેઘર બન્યા છે. આમાંથી મોટાભાગના રાહત શિબિરોમાં રહે છે. મૈતેઇ સમુદાયની અનુસૂચિત જનજાતિ (ST) દરજ્જાની માંગના વિરોધમાં આદિવાસી એકતા કૂચનું આયોજન 3 મેના રોજ હિંસક અથડામણો શરૂ થઈ હતી.