કેનેડામાં કીર્તિદાન ગઢવીના કાર્યક્રમમાં ‘અમેરિકન કમા’ની મોજ, ગુજરાતીઓને જલસો કરાવી દીધો

કમા જેવા દેખાતા યુવકને સ્ટેજ પર જોતા લોકો ઝૂમી ઉઠ્યા
15મી ઓક્ટોબરે કેનેડામાં કીર્તિદાન ગઢવીનો કાર્યક્રમ હતો. જેમાં કમા જેવા જ દેખાતા અમેરિકાના એક યુવકને બોલાવવામાં આવ્યો હતો. તેણે સ્ટેજ પર જોતા જ લોકોએ ચીચીયારીઓ પાડી હતી. બીજી તરફ ‘અમેરિકન કમા’એ પણ લોકોના દિલ જીત્યા હતા, અને તેના પર ડોલરોનો વરસાદ થયો હતો. જોકે યુવક કાર્યક્રમમાં એક કલાક હાજરી આપીને પરત જતો રહ્યો હતો, જોકે કલાકમાં જ તેણે કેનેડામાં વસતા ગુજરાતીઓને ઘેલુ લગાડ્યું હતું.

કોણ હતો કમા જેવો દેખાતો યુવક?
મૂળ સુરતના બારડોલીના સાગર પટેલ વર્ષોથી અમેરિકામાં સ્થાયી છે. સાગર પટેલ અમેરિકાના ઓક્લાહોમામાં રહે છે અને તે પણ દિવ્યાંગ છે. તેઓ વધારે બોલી નથી શકતા. થોડું થોડું બોલી શકે છે. જોકે તેઓ કમા જોવા જ દેખાતા હોવાથી તેમને કીર્તિદાન ગઢવીના કાર્યક્રમમાં બોલાવવામાં આવ્યા હતા.