Breaking News: 'મને રાજકીય જવાબદારીઓમાંથી મુક્ત કરો...', ગૌતમ ગંભીર બાદ વધુ એક BJP નેતાની સંન્યાસની જાહેરાત

Gujarat Tak

BJP's Jayant Sinha opts out of Lok Sabha polls

Jayant Sinha expresses desire not to contest Lok Sabha polls: ગૌતમ ગંભીર બાદ હવે હજારીબાગના સાંસદ જયંત સિન્હાએ ચૂંટણી જવાબદારીઓમાંથી મુક્તિની માંગ કરી છે. આજે એક ટ્વિટમાં, તેમણે કહ્યું કે મેં પાર્ટીના અધ્યક્ષ જેપી નડ્ડાને વિનંતી કરી છે કે તેઓ મને મારી રાજકીય ફરજોમાંથી મુક્ત કરે જેથી હું ભારતમાં અને વિશ્વભરમાં વૈશ્વિક ક્લાયમેટ ચેન્જનો સામનો કરવા માટે મારા પ્રયત્નો પર ધ્યાન કેન્દ્રિત કરી શકું.

જયંત સિન્હાની પોસ્ટ

X પરની પોસ્ટમાં જયંત સિન્હાએ કહ્યું કે, હું આર્થિક અને શાસન સંબંધિત મુદ્દાઓ પર પાર્ટી સાથે કામ કરવાનું ચાલુ રાખીશ. મને છેલ્લા દસ વર્ષથી ભારત અને હજારીબાગની જનતાની સેવા કરવાનો લહાવો મળ્યો છે. તેણે લખ્યું, 'આ ઉપરાંત, મને વડા પ્રધાન નરેન્દ્ર મોદી, ગૃહ પ્રધાન અમિત શાહ અને ભાજપ નેતૃત્વ દ્વારા પ્રદાન કરવામાં આવેલી ઘણી તકોનો આશીર્વાદ મળ્યા છે. તે બધાનો મારો હૃદયપૂર્વક આભાર. જય હિંદ.'

ભાજપમાં નવા-જૂનીના એંધાણ

આ પહેલા સાંસદ ગૌતમ ગંભીરે પણ આ પ્રકારના અંદાજમાં જ ટ્વિટ કરીને સંન્યાસની જાહેરાત કરી હતી. સ્વાભાવિક છે કે આ બંને ટ્વિટમાં કારણ જ અલગ છે બાકી એક જ પદ્ધતિસર આ પોસ્ટ કરવામાં આવી છે ત્યારે સવાલ થઇ રહ્યો છે કે લોકસભાની ચૂંટણી આડે હવે થોડો જ સમય બાકી છે ત્યારે ભાજપમાં શું નવા-જૂની થવા જય રહી છે.