ઈરાનમાં પૂર્વ જનરલ સુલેમાનીની કબર પાસે બે ભયાનક બ્લાસ્ટ, 73 લોકોના મોત અને 170થી વધુ ઘાયલ

IRAN BLAST UPDATE ⁦@cspanwj⁩

At least 73 people have been killed in two blasts near the grave of slain Revolutionary Guards general Qassem [ Soleimani, ] state media reports

| The Times of Israel | https://t.co/Alow116wrh

— Bill Badey (@10903) January 3, 2024

ભયાનક વિસ્ફોટમાં 73 લોકોના મોત

મળતી માહિતી અનુસાર, પહેલો વિસ્ફોટ ઈરાનના કર્માન શહેરમાં પૂર્વ ઈરાની આર્મી જનરલ સુલેમાનીની કબર પાસે થયો હતો. તે પછી બીજો વિસ્ફોટ થયો, જેમાં 73 લોકોના મોત થયા.એક સ્થાનિક અધિકારીએ જણાવ્યું કે વિસ્ફોટ રસ્તાની બાજુના કબ્રસ્તાન પાસે થયો હતો. જો કે હજુ સુધી એ સ્પષ્ટ થયું નથી કે આ વિસ્ફોટ કયા કારણોસર થયો છે કે પછી તે આતંકવાદી હુમલો છે. પૂર્વ જનરલ સુલેમાનીની કબર પાસે આ બ્લાસ્ટ થયા હતા. વિસ્ફોટો બાદ સ્થળ પર નાસભાગ મચી ગઈ હતી. હાલ મોટી સંખ્યામાં એમ્બ્યુલન્સ ઘટનાસ્થળે છે. કહેવાય છે કે નાસભાગને કારણે ઘણા લોકો ઘાયલ થયા છે. ઈજાગ્રસ્તોને સારવાર માટે હોસ્પિટલમાં લઈ જવામાં આવ્યા છે.

ઘટના પાછળ કોણ જવાબદાર

ઘણા અહેવાલોમાં એવું કહેવામાં આવી રહ્યું છે કે, કબ્રસ્તાન તરફ જતા રસ્તા પર ગેસના કેટલાય કન્ટેનર ફાટ્યા છે. પરંતુ સ્થાનિક અધિકારીએ હજુ સુધી કોઈ પુષ્ટિ કરી નથી. હજુ સુધી વિસ્ફોટ ગેસ સિલિન્ડરથી થયો હતો કે અન્ય કોઈ વસ્તુથી તેની કોઈ માહિતી મળી નથી. આ ઘટનાને આતંકવાદી હુમલો પણ માનવામાં આવી રહ્યો છે.

સુલેમાની મોત કેવી રીતે થઈ

પૂર્વ જનરલ સુલેમાની 3 જાન્યુઆરી, 2020 ના રોજ બગદાદ એરપોર્ટ પર યુએસ ડ્રોન હુમલામાં ઠાર થયો હતો. સુલેમાની ઈરાનમાં એક શક્તિશાળી વ્યક્તિત્વ હતો. તેઓ ઈરાનના સર્વોચ્ચ નેતા આયાતુલ્લાહ ખોમેની પછી દેશના બીજા સૌથી શક્તિશાળી વ્યક્તિ ગણાતા હતા. તે ઈરાનના રિવોલ્યુશનરી ગાર્ડ્સની વિદેશી કામગીરી શાખા કુડ્સ ફોર્સના કમાન્ડર હતા. તે ઈરાનના ઈન્ટેલિજન્સ મિશન સાથે સંકળાયેલો હતો. તેણે હમાસ અને હિઝબુલ્લાહ તેમજ ઘણી સહયોગી સરકારો અને સશસ્ત્ર જૂથોને પણ માર્ગદર્શન આપ્યું હતું. તેઓએ તેમને હથિયારો અને અન્ય જરૂરી સહાય પણ પૂરી પાડી.