શું Hafiz Saeedને લવાશે ભારત? કેન્દ્ર સરકારે પાકિસ્તાન પાસે મોસ્ટ વોન્ટેડ આતંકવાદીના પ્રત્યાર્પણની કરી માંગ

ભારતે પાકિસ્તાન પાસે લશ્કર-એ-તૈયબાના સ્થાપક અને ખતરનાક આતંકવાદી હાફિઝ સઈદને સોંપવાની માંગ કરી છે. પાકિસ્તાની મીડિયા દ્વારા આ દાવો કરવામાં આવ્યો છે. મીડિયા રિપોર્ટ્સ અનુસાર, ભારતે હાફિઝ સઈદના પ્રત્યાર્પણ માટે પાકિસ્તાની વિદેશ મંત્રાલય પાસે ઔપચારિક માંગ કરી છે. તમને જણાવી દઈએ કે, હાફિઝ સઈદ પુલવામા હુમલાનો માસ્ટરમાઈન્ડ છે. ભારત સરકારે પાકિસ્તાની વિદેશ મંત્રાલયને હાફિઝ સઈદને ભારતને પ્રત્યાર્પણ કરવા માટે કાનૂની કાર્યવાહી શરૂ કરવાની અપીલ કરી છે. જોકે, પાકિસ્તાનના વિદેશ મંત્રાલયે હજુ સુધી આ અંગે કોઈ કાર્યવાહી કરી નથી.