ભયાનક અકસ્માતઃ પ્લેટફોર્મ પર બસની રાહ જોતા મુસાફરોને ST બસે કચડી માર્યા, 3ના કમકમાટીભર્યા મોત

પ્લેટફોર્મ પર ચઢી ગઈ બસ

એક અધિકારીએ જણાવ્યું કે, આ ઘટના આજે સવારે 8.20 વાગ્યાની આસપાસ બની હતી, જ્યારે APSRTCની એક બસ પ્લેટફોર્મ નંબર 12 પર ચઢી ગઈ હતી અને ત્રણ લોકોને કચડી નાખ્યા હતા. અકસ્માતમાં ઈજાગ્રસ્ત થયેલી 18 મહિનાની બાળકીનું હોસ્પિટલમાં સારવાર દરમિયાન મૃત્યુ થયું. ડેપો મેનેજર એમ.યેશુ દાનમે જણાવ્યું કે, “બસને રિવર્સ કરવાને બદલે, ડ્રાઈવરે તેને આગળ ચલાવી દીધી અને બસ પ્લેટફોર્મ સાથે અથડાઈ.”

VIDEO | At least three people were killed, including a woman and several others injured when a state transport bus rammed into a platform at a bus stand in Vijaywada, Andhra Pradesh, yesterday. The incident was caught on CCTV.

(Source: Third Party) pic.twitter.com/KvqLspIsW4

— Press Trust of India (@PTI_News) November 7, 2023

મુખ્યમંત્રીએ તપાસના આદેશ આપ્યા

મુખ્યમંત્રીએ શોકગ્રસ્ત પરિવારો પ્રત્યે સંવેદના વ્યક્ત કરી અને ઈજાગ્રસ્તોને યોગ્ય તબીબી સારવાર આપવાનો અધિકારીઓને નિર્દેશ આપ્યો. મુખ્યમંત્રી કાર્યાલય (સીએમઓ) તરફથી જારી કરાયેલા એક નિવેદનમાં કહેવામાં આવ્યું છે કે મુખ્યમંત્રીએ પણ ઘટનાની તપાસના આદેશ આપ્યા છે.

પોલીસે હાથ ધરી તપાસ

APSRTC એક્ઝિક્યુટિવ ડિરેક્ટર (ઓપરેશન્સ) એ. કોટેશ્વર રાવે કહ્યું કે, રોડ ટ્રાન્સપોર્ટ કોર્પોરેશન બે ઈજાગ્રસ્ત વ્યક્તિઓની સારવારનો ખર્ચ ઉઠાવશે. વિજયવાડા બસ સ્ટેશન એ આંધ્રપ્રદેશ અને તેલંગણા બંને તેલુગુ ભાષી રાજ્યોને જોડતું મુખ્ય કનેક્ટિવિટી હબ છે અને વિજયવાડા-ગુંટુર બસ સેવા મુખ્ય સેવાઓમાંની એક છે. માહિતી મળતાં જ પોલીસે ઘટનાસ્થળે પહોંચીને આ અંગે ગુનો નોંધ્યો હતો.