Powerful Passport ની યાદીમાં ભારતનું ચોંકાવનારું રેન્કિંગ, જુઓ યાદીમાં Pakistan કેટલામાં ક્રમે

વિશ્વમાં ક્યાં દેશનો પાસપોર્ટ સૌથી વધુ પાવરફુલ

હેનલી પાસપોર્ટ ઈન્ડેક્સમાં ફ્રાન્સ ટોચ પર છે. ફ્રાંસની સાથે જર્મની, ઈટાલી, જાપાન, સિંગાપોર અને સ્પેન ટોચના સ્થાને છે. હેનલી પાસપોર્ટ રેન્કિંગમાં ફિનલેન્ડ, દક્ષિણ કોરિયા અને સ્વીડન 193 વિઝા મુક્ત સ્થળો સાથે બીજા સ્થાને છે. ઓસ્ટ્રિયા 192 વિઝા ફ્રી ડેસ્ટિનેશન સાથે ત્રીજા સ્થાને છે.

ભારતના રેન્કિંગમાં ઘટાડો આશ્ચર્યજનક વાત 

ગયા વર્ષની સરખામણીમાં 2024માં ભારતના પાસપોર્ટમાં એક સ્થાનનો ઘટાડો થયો છે. ગયા વર્ષે હેનલી પાસપોર્ટ ઈન્ડેક્સમાં ભારત 84માં ક્રમે હતું, પરંતુ આ વર્ષે તે 85માં સ્થાને આવી ગયું છે. રેન્કિંગમાં ભારતનો ઘટાડો થોડો આશ્ચર્યજનક છે કારણ કે ગયા વર્ષે, જ્યારે ભારતીય પાસપોર્ટ ધારકો 60 દેશોમાં વિઝા વિના મુસાફરી કરી શકતા હતા, ત્યારે આ વર્ષે વિઝા મુક્ત દેશોની સંખ્યા વધીને 62 થઈ ગઈ છે.

તાજેતરમાં ઈરાને ભારતીય પ્રવાસીઓ માટે વિઝા ફ્રી એન્ટ્રીની જાહેરાત કરી છે. ભારતીય પ્રવાસીઓ 15 દિવસ માટે ઈરાનમાં વિઝા-મુક્ત પ્રવાસનો લાભ લઈ શકે છે. મલેશિયા, થાઈલેન્ડ અને શ્રીલંકા પણ તે દેશોમાં સામેલ છે જેમણે તાજેતરમાં ભારતીયો માટે વિઝા ફ્રી એન્ટ્રીની જાહેરાત કરી છે.

પાકિસ્તાન અને માલદીવનું પાસપોર્ટ રેન્કિંગ

પાકિસ્તાનના રેન્કિંગની વાત કરીએ તો ગયા વર્ષની જેમ આ વખતે પણ તે 106માં સ્થાને છે. ભારતનો પાડોશી દેશ બાંગ્લાદેશ પણ ગયા વર્ષની સરખામણીમાં એક સ્થાન નીચે 101માથી 102મા ક્રમે આવી ગયો છે. ભારતના દરિયાઈ પડોશી માલદીવનો પાસપોર્ટ પહેલા જેવો જ મજબૂત છે. માલદીવિયન પાસપોર્ટ 58માં ક્રમે છે અને માલદીવિયન પાસપોર્ટ ધારકો 96 દેશોમાં વિઝા વિના મુસાફરી કરી શકે છે.