જમ્મુ કશ્મીરમાં જલ્દી જ થવાની છે ચૂંટણી? ECએ આપ્યા મોટા સંકેત

નવી દિલ્હીઃ ચૂંટણી પંચે બુધવારે પૂર્વોત્તરના ત્રણ રાજ્યો ત્રિપુરા, મેઘાલય અને નાગાલેન્ડમાં વિધાનસભા ચૂંટણીની તારીખોની જાહેરાત કરી હતી. આ સાથે પંચે જમ્મુ-કાશ્મીરમાં જલ્દી ચૂંટણી કરાવવાના સંકેત પણ આપ્યા છે. નવી દિલ્હીમાં બુધવારે આયોજિત પ્રેસ કોન્ફરન્સ દરમિયાન મુખ્ય ચૂંટણી કમિશનર રાજીવ કુમારે કહ્યું કે જમ્મુ-કાશ્મીરમાં ટૂંક સમયમાં ચૂંટણી યોજાશે. આ સમયે ચૂંટણીની પ્રક્રિયા પૂર્ણ થઈ ગઈ છે. હવે સુરક્ષાની સમીક્ષા કરવામાં આવી રહી છે. જમ્મુ-કાશ્મીરની સુરક્ષાની સમીક્ષા કર્યા બાદ નક્કી કરવામાં આવશે કે અહીં ચૂંટણી ક્યારે થશે. તેમણે કહ્યું કે જમ્મુ-કાશ્મીરમાં હવામાન અને સુરક્ષાની સ્થિતિને ધ્યાનમાં રાખીને ચૂંટણી યોજાશે.