મફતની યોજનાઓ ભાજપને ભારે પડી રહી છે, ઓલ્ડ પેન્શન સ્કીમ 2024 માં ગળાનો ગાળીયો બનશે?

જો કે એ બીજી વાત છે કે ભાજપે વિધાનસભા ચૂંટણી માટે તેના ઢંઢેરામાં અનેક લોકપ્રીય જાહેરાતો કરી હતી. હાલ તો સરકાર જૂની પેન્શન સ્કીમને લઈને ચિંતિત છે, જે તેને આગામી 2024ની લોકસભા ચૂંટણી પહેલા ટેન્શન આપી શકે છે. કર્ણાટક ચૂંટણીમાંથી બોધપાઠ લઈને ભાજપ હવે નવી રણનીતિ પર આગળ વધી રહી છે. પાર્ટીને ડર છે કે કોંગ્રેસ અને અન્ય વિરોધ પક્ષોની મફત યોજનાઓ તેના વિજય રથને અટકાવે છે. જો કે એવું નથી કે ભાજપે ચૂંટણીમાં આવા મફતના વચનો ન આપ્યા હોય. જો કે અન્ય પક્ષોની તુલનાએ આ બાબત પર ઓછુ જોર આપ્યું.

પીએમ મોદીએ પોતે પણ જાહેર સભાઓમાં મફત યોજનાઓ પર પ્રહારો કરી ચુક્યા છે. ભાજપના સૂત્રોનું કહેવું છે કે, પાર્ટીનો એક મોટો વર્ગ માને છે કે મફત યોજનાઓ લાંબા સમય સુધી સત્તામાં લાવી શકતી નથી. કર્ણાટક ચૂંટણી પહેલા ભાજપે મફત સિલિન્ડરની જાહેરાત કરી હતી, પરંતુ તહેવારોની મોસમ દરમિયાન માત્ર BPL પરિવારો પુરતી જ સીમિત હતી. ભાજપના ચૂંટણી ઢંઢેરામાં ખુબ જ મહત્વની ભુમિકા ભજવતી સમિતિના એક સભ્ય અનુસાર આવી મફતની યોજનાઓ મતદાતાઓને લલચાવે છે. આકર્ષિત થનારા મતદારોની સંખ્યા હવે ધીરે ધીરે મોટી થતી જાય છે. જો કે કેન્દ્રમાં સત્તાધારી દળ એક રાષ્ટ્રીય ખેલાડી તરીકે પોતાની જાતને મોટી તસ્વીરમાં જુએ છે. જે આવા લોભામણા વચનોથી પર છે.

મફત યોજનાઓને રેવડી ગણાવી ચુક્યું છે ભાજપ
2019માં લોકસભાની ચૂંટણી પહેલા ભાજપ ખેડૂતો માટે પીએમ કિસાન નિધિ કરાવવા જેવા કેટલાક જાહેર લાભોની સાથે આવી હતી. આ ત્યારે થયું જ્યારે કોંગ્રેસ દ્વારા યુનિવર્સિલ બેઝીક ઇનકમની ભલામણ કરી હતી. રાજ્ય વિધાનસભા ચૂંટણીમાં જ્યારે ઉત્તરપ્રદેશની જેમ મફત રાશન યોજનાથી ભાજપને પોતાની સ્થિતિ મજબુત કરવામાં મદદ મળી. તેને ત્યારે પાર્ટીના નેતાઓએ કોવિડ બાદ ખુબ જ જરૂરી યોજના ગણાવી હતી.

મોંઘવારી રાહત શિબિર સાથે કેવી રીતે સ્પર્ધા કરવી
આ વર્ષના અંતમાં મધ્યપ્રદેશ, છત્તીસગઢ અને રાજસ્થાન વિધાનસભાની ચૂંટણીઓ યોજાવાની હોવાથી, છત્તીસગઢ અને રાજસ્થાનમાં સત્તામાં રહેલી કોંગ્રેસે ‘ડિઅરનેસ રિલીફ કેમ્પ’ જેવા અનેક પગલાઓ શરૂ કરી દીધા છે. છત્તીસગઢ અને મધ્યપ્રદેશમાં 2018 ની વિધાનસભાની ચૂંટણીમાં, ભાજપનું કેન્દ્રીય નેતૃત્વ ખેડૂતોની લોન માફ કરવા માટે ઉત્સુક નહોતું. જેવું તેણે ઉત્તરપ્રદેશમાં 2017 માં બંન્ને રાજ્ય એકમોની ભલામણ છતા પણ કર્યું હતું.

જૂની પેન્શન સ્કીમથી તણાવ વધશે
હિન્દી પટ્ટાના રાજ્યોમાં ભાજપ માટે બીજો પડકાર ઓપીએસ (ઓલ્ડ પેન્શન સ્કીમ) હશે. ભાજપના એક નેતાનું કહેવું છે કે આ મુદ્દાની ગંભીરતાને ધ્યાનમાં રાખીને કેન્દ્રએ પહેલાથી જ પેન્શન સિસ્ટમની સમીક્ષા કરવા માટે એક સમિતિની જાહેરાત કરી છે અને આંધ્ર પ્રદેશ સરકારના પેન્શન મોડલનો પણ અભ્યાસ કરી રહી છે. પાર્ટીના નેતાઓનું માનવું છે કે 2019માં પીએમ કિસાન નિધિના આગમન સાથે, 2024 પહેલા આવા અન્ય કોઈ લોકો-કેન્દ્રિત પગલાંને નકારી શકાય નહીં, પરંતુ ફક્ત તે જ અપનાવવામાં આવશે જે આર્થિક રીતે વ્યવહારુ હોય.