UCCને લઈને નારાજ AAPના ચૈતર વસાવાની દિલ્હીમાં કેજરીવાલ સાથે મુલાકાત, બેઠકમાં શું ચર્ચા થઈ?

કેજરીવાલ સાથે ચૈતર વસાવાની શું વાત થઈ?
યુનિફોર્મ સિવિલ કોડ UCCને લઈને આદિવાસી સમાજમાં વિરોધ અને રોષ જોવા મળી રહ્યો છે. ત્યારે AAPના રાષ્ટ્રીય સંયોજક અને દિલ્હી ના મુખ્યમંત્રી અરવિંદ કેજરીવાલ અને રાષ્ટ્રીય મહાસચિવ ડો.સંદિપ પાઠક સાથે ગુજરાતના આમ આદમી પાર્ટીના આદિવાસી આગેવાનોની દિલ્હી ખાતે મહત્વની બેઠક મળી હતી. જેમાં અરવિંદ કેજરીવાલ અને ડો.સંદિપ પાઠક દ્વારા સ્પષ્ટતા કરવામાં આવેલ છે કે યુનિફોર્મ સિવિલ કોડમાં આદિવાસી સમાજને નુકશાન થવાનું હોવાથી આદિવાસી સમાજને UCC માંથી બાકાત રાખવાની માંગણી સાથે આવનારા દિવસોમાં આમ આદમી પાર્ટી દ્વારા દેશના દરેક રાજ્યોમાં મોટા પાયે વિરોધ નોંધાવવામાં આવશે.

ગુજરાતમાંથી UCCના વિરોધમાં રાષ્ટ્રપતિને અપાશે આવેદન
UCC બાબતે આમ આદમી પાર્ટી આદિવાસી સમાજ સાથે છે. UCCના વિરોધના ભાગરૂપે દેશના રાષ્ટ્રપતિને સંબોધીને ગુજરાતના તાલુકા/જિલ્લા કક્ષાએથી 13 જુલાઈને ગુરુવારના રોજ મોટી સંખ્યામાં ભેગા મળીને આવેદન પત્ર આપવાનું નક્કી કરવામાં આવ્યું છે.