જમ્મુ-કાશ્મીરમાં વૈષ્ણો દેવી દર્શને જઈ રહેલા યાત્રાળુઓની બસ ખીણમાં પડતા 10નાં મોત, અનેક ઈજાગ્રસ્ત

#WATCH | J&K | A bus going from Amritsar to Katra fell into a deep gorge. As per Jammu DC, 10 people died in the accident. More details awaited.

Visuals from the spot. pic.twitter.com/fM2rN0fMSN

— ANI (@ANI) May 30, 2023

પોલીસે જણાવ્યું કે, બસ અકસ્માત જમ્મુ જિલ્લાના કટરાથી લગભગ 15 કિમી દૂર ઝજ્જર કોટલી પાસે થયો હતો. જમ્મુના ડેપ્યુટી કમિશનર (DC) અવની લવાસાએ માહિતી આપી હતી કે, 10 લોકો માર્યા ગયા છે, અને 4 અન્ય લોકો ગંભીર રીતે ઘાયલ છે. બસ અમૃતસરથી કટરા તરફ જઈ રહી હતી.

ઇજાગ્રસ્તને જીએમસી જમ્મુમાં દાખલ કરવામાં આવ્યો
પોલીસે જણાવ્યું કે ગંભીર રીતે ઘાયલ લોકોને જીએમસી જમ્મુ લાવવામાં આવ્યા છે. અન્ય 12 લોકોને સ્થાનિક જાહેર આરોગ્ય કેન્દ્રમાં દાખલ કરવામાં આવ્યા છે. પોલીસે જણાવ્યું કે આ ઘટના કેવી રીતે બની, તેની જાણકારી હજુ મળી નથી. હાલ મામલો નોંધી વધુ તપાસ હાથ ધરી છે. જાગૃત મુસાફરોની પૂછપરછ કરવામાં આવી રહી છે. બસ સફેદ અને ગુલાબી રંગની હતી જેના પર પ્રિન્સ ટ્રાવેલ્સ લખેલું હતું.