બિહારમાં ભારે રાજકીય હલચલ, અચાનક રાજ્યપાલને મળવા પહોંચ્યા CM નીતિશ કુમાર

અમિત શાહના નિવેદન બાદ અટકળો તેજ

નીતિશ કુમારના અચાનક રાજ્યપાલની પાસે પહોંચવાથી રાજકીય ગતિવિધિઓ એટલા માટે પણ વધી ગઈ છે, કારણ કે છેલ્લા કેટલાક સમયથી નીતિશ કુમારની NDAમાં વાપસીની અટકળો પણ લગાવવામાં આવી રહી છે. કેન્દ્રીય ગૃહમંત્રી અમિત શાહે એક નિવેદન આપતાં આ અટકળો વધુ તેજ બની ગઈ. એક અખબારને આપેલા ઈન્ટરવ્યુમાં અમિત શાહે જેડીયુ અને નીતિશ કુમારની એનડીએમાં વાપસીની સંભાવનાઓ પર ટિપ્પણી કરી હતી. તેમને પૂછવામાં આવ્યું હતું કે શું નીતિશ કુમાર માટે NDAના દરવાજા હજુ પણ ખુલ્લા છે? તેના જવાબમાં ગૃહમંત્રી શાહે કહ્યું- જો પ્રસ્તાવ આવશે તો અમે તેના પર વિચાર કરીશું.

INDIA ગઠબંધનનું કોઈ ભવિષ્ય નથી: ભાજપ નેતા

અમિત શાહના આ નિવેદન બાદ બિહારના રાજકીય વર્તુળોમાં JDU અને RJD વચ્ચેના સંબંધોમાં કડવાશ આવવાની ચર્ચાઓ થવા લાગી હતી. ત્યારે બિહાર બીજેપી નેતા સંજય સરોગીએ કહ્યું હતું કે, ‘હાલમાં નીતિશ કુમાર INDIA ગઠબંધનમાં કોંગ્રેસ, લાલુ અને તેજસ્વીની સાથે છે. INDIA ગઠબંધનનું કોઈ ભવિષ્ય નથી. જો નીતિશ કુમાર ભાજપની સદસ્યતા ગ્રહણ કરીને પાર્ટીમાં આવે છે, તો અમે તેમનું સ્વાગત કરવા માટે તૈયાર છીએ.’

આ કાર્યક્રમ બાદ જ રાજ્યપાલની પાસે પહોંચ્યા નીતિશ કુમાર

आजाद हिंद फौज के संस्थापक, महान स्वतंत्रता सेनानी नेताजी सुभाषचंद्र बोस जी की जयंती पर आयोजित राजकीय समारोह में उनकी आदमकद प्रतिमा पर माल्यार्पण कर श्रद्धांजलि अर्पित की। #NetajiJayanti #TejashwiYadav #Bihar pic.twitter.com/bRLKzTAmA8

— Tejashwi Yadav (@yadavtejashwi) January 23, 2024