સુપ્રીમના ચુકાદા AAP સરકારે કરી નાખી પહેલી બદલી, આ અધિકારીને ઘીમાંથી માખીની જેમ ફેંકી દીધા

દિલ્હીના સીએમ અરવિંદ કેજરીવાલે એક પ્રેસ કોન્ફરન્સમાં કહ્યું હતું કે, લોકોના કામમાં અડચણ ઉભી કરનારા અધિકારીઓ સામે કાર્યવાહી થશે, કામગીરીના આધારે અધિકારીઓની મોટી ફેરબદલ કરવામાં આવશે. સીએમ કેજરીવાલે વધુમાં કહ્યું હતું કે, દિલ્હીમાં બહુ જલ્દી વહીવટી ફેરફારો જોવા મળશે. અધિકારીઓની કામગીરીના આધારે તેમની બદલી કે બદલીઓ કરવામાં આવશે. જેઓ ખરાબ કામ કરવા માંગતા નથી. તેઓ કામ રોકવા માંગે છે. તેઓ દૂર કરવામાં આવશે, તેઓ બદલવામાં આવશે. પરંતુ જે અધિકારીઓ ઈમાનદારી અને પુરી મહેનતથી કામ કરી રહ્યા છે તેમને બઢતી આપવામાં આવશે. તેમને ઉચ્ચ હોદ્દા પર લાવવામાં આવશે.

અત્રે ઉલ્લેખનીય છે કે, ગુરુવારે આમ આદમી પાર્ટીની સરકારને મોટી રાહત આપતા સુપ્રીમ કોર્ટે સર્વસંમતિથી નિર્ણય લીધો કે દિલ્હી સરકાર જાહેર વ્યવસ્થા, પોલીસ અને જમીન સિવાયની સેવાઓ પર કાયદાકીય અને વહીવટી નિયંત્રણ ધરાવે છે. સુપ્રીમ કોર્ટના ચીફ જસ્ટિસ ડીવાય ચંદ્રચુડની આગેવાની હેઠળની બંધારણીય બેંચે કહ્યું કે અમલદારો પર ચૂંટાયેલી સરકાર દ્વારા નિયંત્રણ હોવું જોઈએ. તેમણે કહ્યું કે દિલ્હીના કેન્દ્રશાસિત પ્રદેશને ‘વિશેષ’ દરજ્જો છે અને તે જસ્ટિસ અશોક ભૂષણના 2019ના ચુકાદા સાથે સહમત નથી કે દિલ્હી સરકારને સેવાઓ પર કોઈ અધિકારક્ષેત્ર નથી.

કોર્ટે કહ્યું કે કેન્દ્રની સત્તાનું વધુ વિસ્તરણ બંધારણીય યોજનાની વિરુદ્ધ હશે. દિલ્હી અન્ય રાજ્યોની જેમ છે અને તેમાં ચૂંટાયેલી સરકારની વ્યવસ્થા છે. બંધારણીય બેંચમાં જસ્ટિસ એમઆર શાહ, જસ્ટિસ કૃષ્ણ મુરારી, જસ્ટિસ હિમા કોહલી અને જસ્ટિસ પીએસ નરસિમ્હા પણ સામેલ હતા.