પ્લેયર ઓફ ધ મેચ બન્યા બાદ મોહમ્મદ શમીના સવાલ પર મોહિત શર્માએ પાર્ટીને લઈ કર્યો ખુલાસો, જાણો કેવી પાર્ટી કરવાના છે?

તેણે પોતાની જૂની સ્ટાઈલમાં ધીમા બોલ નાખીને પંજાબની વિકેટ લીધી હતી. આ મેચમાં મોહિતે ચાર ઓવરના ક્વોટામાં માત્ર 18 રન આપીને 2 વિકેટ લીધી હતી. તેના પ્રદર્શન માટે તેને પ્લેયર ઓફ ધ મેચનો એવોર્ડ પણ આપવામાં આવ્યો હતો. આ મેચ બાદ ગુજરાતના ફાસ્ટ બોલર મોહમ્મદ શમીએ મોહિત શર્માનો એક ઈન્ટરવ્યુ લીધો જેમાં તેણે જોરદાર જવાબો આપ્યા હતા.

ડેબ્યૂની સાથે જ મોહિતે IPLમાં 10 વર્ષ પૂર્ણ કર્યા
આ મેચમાં તેના ડેબ્યૂની સાથે જ મોહિતે IPLમાં 10 વર્ષ પણ પૂરા કર્યા. આનાથી સંબંધિત શમીએ પહેલો સવાલ પૂછ્યો હતો જેમાં તેણે કહ્યું હતું કે, ગુજરાત ટાઇટન્સ માટે આ તારી પ્રથમ મેચ હતી, તેં પણ IPLમાં કરિયરના 10 વર્ષ પૂરા કર્યા છે, કેવું લાગે છે? શમીના સવાલના જવાબમાં મોહિતે કહ્યું, ‘તે સારું લાગે છે. ગુજરાત ટાઇટન્સની પોસ્ટ જોયા પછી મને પણ ખબર પડી કે આ દિવસે જ મારું IPL ડેબ્યુ થયું હતું.

આ સિવાય મોહિતે એમ પણ કહ્યું કે તે તેના પરફોર્મન્સને તેના પિતાને સમર્પિત કરવા માંગે છે. બીજી બાજુ, જ્યારે શમીએ મોહિતને આ પ્રદર્શન પછી ઉજવણી વિશે પૂછ્યું, ત્યારે તેણે આનંદી જવાબ આપ્યો કે હા, ચા સાથે ઉજવણી હંમેશા ચાલુ રહે છે. હવે બંને ભાઈઓ જઈને ચા પીશે. ચા હંમેશા 1 વાગે 2 વાગે 3 વાગે ચાલુ હોય છે. મોહિતના આ ઈન્ટરવ્યુનો વીડિયો સોશિયલ મીડિયા પર ખૂબ વાયરલ થઈ રહ્યો છે.

Playing his first IPL since 2020, @gujarat_titans‘ Mohit Sharma dedicates his show to a very special person 🫶

𝘿𝙤 𝙣𝙤𝙩 𝙢𝙞𝙨𝙨 this wholesome conversation between @MdShami11 and #GT debutant Mohit Sharma 🤝

Full Interview 🎥🔽 #TATAIPL | #PBKSvGT https://t.co/P0Awmr0Sr3 pic.twitter.com/um1gpMbvSu

— IndianPremierLeague (@IPL) April 14, 2023